పోలీసుల పాత్రపై ఆరా

సంచలనం కలిగించిన జయరాం హత్య కేసులో ఆరోపణలు ఎదుర్కొంటున్న పోలీసులను దర్యాప్తు అధికారులు విచారించారు.

ప్రవాస భారతీయుడు, పారిశ్రామిక వేత్త చిగురుపాటి జయరాం హత్య కేసులో పోలీసులు దర్యాప్తు వేగవంతం చేశారు. ఈ కేసులో ఆరోపణలు ఎదుర్కొంటున్న ఇన్​స్పెక్టర్​ శ్రీనివాస్​, ఏసీపీ మల్లారెడ్డిలను దర్యాప్తు అధికారులు విచారించారు. నిందితుడు రాకేష్​ రెడ్డితో వీరికి గల సంబంధాలపై వివరాలు అడిగి తెలుసుకున్నారు.

జయరాం హత్య గురించి తమకు ఏమీ చెప్పలేదని, స్నేహితుడితో గొడవ జరిగిందని మాత్రమే చెప్పాడని ఆరోపణలు ఎదుర్కొంటున్న పోలీసు అధికారులు విచారణలో వెల్లడించారు. తగాదాపై పోలీస్​ స్టేషన్​లో ఫిర్యాదు చేయాలని సూచించినట్లు వివరించారు. దీనిపై దర్యాప్తు అధికారులు ఆధారాలు సేకరిస్తున్నారు.

ఇవీ చదవండి:ఘనంగా అట్టుకల్​ పొంగల్