తాను ఆత్మహత్య చేసుకోబోతున్నట్లు ఓ యువకుడు ఫేస్బుక్లో పోస్ట్ పెట్టాడు.. ఆ విషయం పోలీసులకు చేరడంతో అప్రమత్తమైన వారు.. సాంకేతిక పరిజ్ఞానంతో అతను ఉన్న చోటు గుర్తించి కాపాడారు. ఈ ఘటన ఉప్పల్ పోలీస్ స్టేషన్ పరిధిలో జరిగింది.
ఏం జరిగిందంటే..
ఆత్మహత్య చేసుకుంటున్నా.. ఫేస్బుక్లో పోస్ట్... ఆ తర్వాత..? - Hyderabad latest news
ఈ జీవితం వద్దు అనుకున్నాడు. ఇక చనిపోవాలని నిర్ణయించుకుని... ఫేస్బుక్లో తాను ఆత్మహత్య చేసుకుంటున్నట్లు లైవ్ పెట్టాడు. సమాచారం అందుకున్న పోలీసులు... వెంటనే అతన్ని రక్షించారు.
ఫేస్బుక్లో ఆత్మహత్య చేసుకుంటున్నట్లు పోస్ట్... ఆ తర్వాత..?
హైదరాబాద్ రామంతాపూర్లోని ఆర్టీసీ కాలనీకి చెందిన ఫోటోగ్రాఫర్(31) మద్యానికి బానిసయ్యాడు. ఒంటరిగా ఉంటున్నాడు. అతడి కుటుంబసభ్యులు కొనిచ్చిన కెమెరాలను సైతం అమ్మేసుకున్నాడు. తీవ్ర ఒత్తిడితో ఆదివారం రాత్రి ఆత్మహత్య చేసుకోబోతున్నట్లుగా ఫేస్బుక్లో లైవ్ పెట్టాడు. డయల్ 100కు సమాచారం వచ్చింది.
వెంటనే ఐటీ సెల్ ద్వారా రవికాంత్ ఉన్న ప్రాంతాన్ని పోలీసులు గుర్తించారు. చేతులు కోసుకుంటూ.. ఉరివేసుకునేందుకు ఏర్పాట్లు చేసుకుంటుండగా ఉప్పల్ ఎస్సై చందన, సిబ్బందితో వెళ్లి కాపాడారు. దగ్గరలోని ఓ ఆసుపత్రికి తరలించి వైద్యం అందించారు. విషయం తెలుసుకున్న రాచకొండ సీపీ మహేశ్భగవత్, మల్కాజిగిరి డీసీపీ రక్షితామూర్తి... సోమవారం ఎస్సై చందన, కానిస్టేబుళ్లు నర్సింగ్రావు, సంగీత, శ్రీనివాస్లను అభినందించారు.