Police Couple Pre Wedding Shoot in Police Dress : నెట్టింట ట్రెండ్​ అవుతున్న పోలీస్​ ప్రీ వెడ్డింగ్​ షూట్​.. సీవీ ఆనంద్​ రియాక్షన్​ చూశారా!

Police Couple Pre Wedding Shoot in Hyderabad : ప్రీ వెడ్డింగ్​ షూట్​.. ఇప్పుడు ఇదో ట్రెండ్​. పెళ్లి చేసుకునే జంటలకు ఇప్పుడు ఇదో ప్రత్యేకం. అదే షూట్​ వీడియోను సామాజిక మాధ్యమాల్లో షేర్​ చేస్తారు. అన్నింటి కన్నా భిన్నంగా ఉన్నవి నెట్టింట చక్కర్లు కొడతాయి. అయితే ఈ జంట చేసిన ప్రీ వెడ్డింగ్​ షూట్​ మాత్రం వైరల్​ అయింది. ఈ ఇద్దరి పోలీసు అధికారులు చేసిన వీడియో.. ఏకంగా హైదరాబాద్​ పోలీస్​ కమిషనర్​ సీవీ ఆనంద్​ దృష్టికి వెళ్లి.. ట్వీట్​ కూడా చేశారు.

Police Couple Pre Wedding Shoot in Hyderabad :ఈ మధ్య కాలంలో పెళ్లికి ముందు నూతన వధూవరులుగా కాబోయేవారు ఫ్రీ వెడ్డింగ్ షూట్(​Pre-wedding Shoot)లు చేయడం ఫ్యాషన్​గా మారిపోయింది. అందుకోసం వారు వివిధ ప్రాంతాలకు వెళుతూ.. విభిన్న రీతుల్లో ఫొటోలు, వీడియోలకు ఫోజ్​లు ఇస్తుంటారు. అందులో జీవిత భాగస్వామితో కలిసి ఉన్న ఓ మంచి వీడియోను షూట్​ చేసి.. దానినే ఆహ్వానంగా మిత్రులకు, బంధువులకు షేర్​ చేస్తుంటారు.

ఇంకా ఆ షూట్​నే పదిరోజుల నుంచి వాట్సాప్​, ఇన్​స్టాగ్రామ్​, పేస్​బుక్​ వంటి సామాజిక మాధ్యమాల్లో పోస్టు చేస్తారు. అయితే ఓ నూతన జంట మాత్రం వినూత్నంగా ఆలోచిస్తూ.. తమ వృత్తిని అందులో చూపించాలనే భావంతో ప్రీ వెడ్డింగ్​ షూట్​ సామాజిక మాధ్యమాల్లో వైరల్​గా మారింది. దీనిపై కొందరు విమర్శలు చేస్తే.. మరికొంత మంది వారిని మెచ్చుకుంటున్నారు. అదే తెలంగాణ పోలీసు జంట(Telangana Police Couple Wedding Shoot) చేసిన షూట్​.

Police Couple Organized Pre-wedding Shoot in Police Dress : త్వరలో పెళ్లిపీటలెక్కబోతున్న తెలంగాణ పోలీసు జంట ప్రీ వెడ్డింగ్​ షూట్ చేశారు. వారిద్దరూ పోలీసు అధికారులే కావడంతో ఆ అంశాన్ని ప్రతిబించేలా షూట్​లో పాల్గొన్నారు. పెళ్లికి ఆహ్వానం పంపుతూ బంధు, మిత్రులకు షేర్​ చేశారు. అది కాస్త సోషల్​ మీడియాలోకి వెళ్లడంతో ట్రెండ్​ అయి మిశ్రమ స్పందన వచ్చింది. దీనిపై కొంత మంది పోలీస్​ యూనిఫామ్​ను సొంత అవసరాలకు వాడుకుంటారా అంటూ విమర్శిస్తే.. మరికొంత మంది మాత్రం సపోర్టు చేశారు. ఈ విషయంపై తాజాగా హైదరాబాద్​ పోలీస్​ కమిషనర్​ సీవీ ఆనంద్(CV Anand)​ తన ఎక్స్​​(Twitter) వేదికగా స్పందించారు.

Police Couple Pre Wedding Shoot CV Anand Tweet :ఆ ప్రీ వెడ్డింగ్​ షూట్​ వీడియోను రీ ట్వీట్​ చేస్తూ.. ఈ వీడియోపై మిశ్రమ స్పందన వచ్చింది. నిజానికి చెప్పాలంటే ఆనందంలో వారిద్దరూ కాస్త అత్యుత్సాహం ప్రదర్శించారు. ఈ విషయం గొప్ప విషయమే కావొచ్చు. కానీ, కొంచెం ఇబ్బందిగా ఉంది. పోలీసు ఉద్యోగం చాలా చాలా కష్టమైన పని.. ప్రత్యేకించి మహిళలకు ఇంకా కఠినం ఆ పని. పోలీసు అధికారులు ఇద్దరు మూడు ముళ్ల బంధంతో ఒక్కటవ్వడం కచ్చితంగా సంతోషించదగిన విషయమే.

Hyderabad Commissioner CV Anand Tweet : వారు పోలీసు డిపార్ట్​మెంట్​ దుస్తుల్ని, చిహ్నాలను ఉపయోగించడాన్ని తాను తప్పుబట్టడం లేదని తెలిపారు. కానీ వారు ముందే పోలీసు అధికారులను సంప్రదించి అనుమతి కోరితే.. కచ్చితంగా ఇచ్చేవారిమి కదా అని చెప్పారు. ఆ పోలీస్​ జంట చేసిన పని మనలో కొందరికీ ఆగ్రహం తెప్పించి ఉండవచ్చు.. కానీ వారు పెళ్లికి తనను పిలవనప్పటికీ వెళ్లి వారిని కలుసుకొని ఆశీర్వదించాలని భావిస్తున్నట్లు వివరించారు. అయితే మరలా ఇలా అనుమతి లేకుండా ప్రీ వెడ్డింగ్​ షూట్​లు వంటివి చేయవద్దని అందరికీ సలహా ఇస్తున్నట్లు పేర్కొన్నారు.