నిఘా నీడలో భాగ్యనగరం

దేశ సరిహద్దులో నెలకొన్న ఉద్రికత్త పరిస్థితుల నేపథ్యంలో హైదరాబాద్ నగర పోలీసులు అప్రమత్తం అయ్యారు. రైల్వేస్టేషన్​ను మొదలుకొని బస్టాండ్లు, జనావాసాలు రద్దీగా ఉండే ప్రాంతాల్లో పోలీసులు నిఘా పెంచారు. నగరాన్ని డేగ కన్నుతో పర్యవేక్షిస్తున్నారు.

భారత్​, పాక్ సరిహద్దుల్లో ఉద్రిక్తల నేపథ్యంలో​హైదరాబాద్​లో ఎటువంటి అవాంఛనీయ ఘటనలు జరగకుండా పోలీసులు తనిఖీలు నిర్వహిస్తున్నారు. రద్దీ అధికంగా ఉండే నాంపల్లి రైల్వే స్టేషన్​లో సోదాలు చేపట్టారు. రైల్వే ప్రోటక్షన్ ఫోర్స్, రైల్వే పోలీసుల సంయుక్త ఆధ్వర్యంలో ప్రయాణీకులను, వారి సామాన్లను క్షుణ్ణంగా పరిశీలించారు.

ప్లాట్​ఫాంపై ఉన్న ప్రయాణికుల వివరాలను అడిగి తెలుసుకున్నారు. ఎవరైనా అనుమానంగా సంచరిస్తూ కనిపిస్తే సమాచారం ఇవ్వాలని విజ్ఞప్తి చేశారు. ప్రయాణికుల రక్షణ కోసమే ఈ సోదాలు చేపట్టినట్లు రైల్వే పోలీసులు తెలిపారు.
ఇవీ చూడండి:"పాక్​లోనే మసూద్​"