పొగాకు రహిత బస్తీని చేసేందుకు పోలీసులు స్పెషల్ డ్రైవ్

భాగ్యనగరంలోని టప్పాచబుత్రను పొగాకు నిషేధిత బస్తీగా చేయాలనే ఉద్దేశంతో స్థానిక పోలీసులు స్పెషల్​ డ్రైవ్​ నిర్వహించారు. టప్పాచబుత్రను పొగాకు రహితంగా చేసేందుకు ప్రజలందరూ కృషి చేయాలంటూ కిరాణా దుకాణదారులకు, పాన్​షాప్​ల యజమానులకు అవగాహన కల్పించారు.

హైదరాబాద్​ నగరంలోని టప్పాచబుత్రను పొగాకు నిషేధిత బస్తీగా ఏర్పాటు చేయాలనే దృఢ సంకల్పంతో టప్పాచబుత్ర పోలీసులు స్పెషల్​ డ్రైవ్​ను నిర్వహించారు. టప్పాచబుత్రను కిందిస్థాయి నుంచి టొబాకో ఫ్రీ చేయాలనే ఉద్దేశంతో కిరాణా దుకాణాలతో పాటు పాన్​షాప్​లను కట్టడి చేసే ప్రయత్నం చేశారు.

పొగాకు రహితంగా చేయాలంటూ పోలీసులు పాన్​షాప్​ యజమానులకు కౌన్సిలింగ్​ ఇచ్చారు. అనంతరం వారితో ప్రతిజ్ఞ చేయించారు. గత వారం రోజులుగా పట్టుకున్న పొగాకును వారి ముందే కాల్చివేశారు. కార్యక్రమంలో సీఐ సంతోష్​, ఎస్సై మధు తదితరులు పాల్గొన్నారు.

ఇవీ చూడండి:ఈనెల 12నుంచి పట్టాలెక్కనున్న మరో 80 రైళ్లు