RAJBHAVAN: తెలంగాణ సంస్కృతి, సంప్రదాయాలకు ప్రతీకైన బతుకమ్మ, బోనాల గురించి ప్రధాని నరేంద్రమోదీకి గవర్నర్ తమిళిసై సౌందరరాజన్ వివరించారు. హైదరాబాద్ పర్యటనకు వచ్చిన మోదీ నిన్న రాత్రి రాజ్భవన్ అతిథిగృహంలో బస చేశారు. ఈ ఉదయం ఆంధ్రప్రదేశ్ పర్యటనకు బయల్దేరేముందు.. రాజ్ భవన్ ప్రాంగణంలో మోదీ మొక్క నాటారు. ఆధ్యాత్మిక, ఔషధ ప్రాధాన్యం ఉన్న కదంబ మొక్కను ఆయన నాటారు.
అక్కడ ఏర్పాటు చేసిన బతుకమ్మ, బోనాల ప్రాశస్త్యం, ప్రాముఖ్యతను గవర్నర్ ప్రధానికి వివరించారు. మంచి ఆతిథ్యం ఇచ్చారని గవర్నర్ తమిళిసైని, రాజ్ భవన్ సిబ్బందిని మోదీ అభినందించారు.
ప్రధానికి బతుకమ్మ, బోనాల విశిష్టతను వివరించిన గవర్నర్..