రేపట్నుంచి వ్యవసాయ, పశువైద్య, ఉద్యాన కోర్సుల కౌన్సెలింగ్

జయశంకర్ వ్యవసాయ వర్సిటీలో వ్యవసాయ, పశు వైద్య, ఉద్యాన డిగ్రీ కోర్సుల్లో ప్రవేశం కోసం రెండో విడత కౌన్సిలింగ్ ప్రారంభం కానుంది. రేపట్నుంచి ఈనెల 12 వరకు జరగనుంది. మొదటి కౌన్సెలింగ్‌కు హాజరుకాని వారు ఈసారి పాల్గొనవచ్చని అధికారులు తెలిపారు.

రాష్ట్రంలో వ్యవసాయ, పశు వైద్య, ఉద్యాన డిగ్రీ కోర్సుల్లో ప్రవేశం కోసం రెండో విడత కౌన్సెలింగ్ జరగనుంది. ఈ నెల 9 నుంచి 12వ తేదీ వరకు నాలుగు రోజులపాటు హైదరాబాద్ రాజేంద్రనగర్​లోని ప్రొఫెసర్ జయశంకర్ వ్యవసాయ విశ్వవిద్యాలయం పరిపాలన భవనంలో ఈ కౌన్సెలింగ్ సాగుతుంది. తాజాగా కౌన్సెలింగ్‌కు పిలిచిన అభ్యర్థుల ర్యాంకుల వివరాలు, ఇతర సంబంధిత పూర్తి సమాచారం వర్సిటీ వెబ్‌సైట్‌ www.pjtsau.edu.in లో చూడొచ్చని రిజిస్ట్రార్ డాక్టర్ ఎస్.సుధీర్‌ కుమార్ వెల్లడించారు.

అనివార్య కారణాలతో మొదటి విడత కౌన్సెలింగ్‌కు రాకుండా ఉన్న అభ్యర్థులూ ఈ విడత కౌన్సెలింగ్‌కు హాజరుకావొచ్చని ప్రకటించారు. రిజర్వేషన్ నిబంధనలకు లోబడి బీఎస్సీ డిగ్రీ సీట్ల భర్తీ ప్రక్రియ సాగుతుందని రిజిస్ట్రార్ స్పష్టం చేశారు.

ఇదీ చదవండి:కాలుష్య రహిత భోగి.. ఓ గ్రామస్థుల వినూత్న ఆలోచన