విజయదశమి సందర్భంగా రాష్ట్ర ప్రజలకు గవర్నర్ తమిళిసై సౌందరరాజన్ (Governor Tamilisai) శుభాకాంక్షలు తెలిపారు. నవరాత్రులు అందరిలోనూ సంతోషం, ఉత్సాహాన్ని నింపుతాయని అన్నారు. చెడుపై మంచి విజయానికి గుర్తుగా నిర్వహించుకునే దసరా పండగ సందర్భంగా అందరికీ మంచి జరగాలని ఆకాంక్షించారు. సత్యమేవ జయతే మన దేశ సిద్ధాంతమన్న గవర్నర్... రోగ కారక వైరస్లు, పర్యావరణ ప్రమాదాలపై అందరం సమష్టిగా పోరాడాలని పిలుపునిచ్చారు.
దసరా సందర్భంగా అందరికీ అమ్మవారి ఆశీస్సులు కలగాలని ప్రార్థించారు. కొవిడ్ నిబంధనలకు లోబడి పండుగ చేసుకోవాలని గవర్నర్ ప్రజలను కోరారు. దసరా సందర్భంగా తమిళిసై సౌందరరాజన్ రాజ్భవన్లో పూజలు చేశారు. ఆయుధ పూజ, వాహనపూజ, పుస్తకపూజలో గవర్నర్ తమిళిసై పాల్గొన్నారు. కుటుంబసభ్యులు, సలహాదారులు, అధికారులు, సిబ్బందితో కలసి పూజలు నిర్వహించారు. రాజ్భవన్ గ్రంథాలయంలో కలియతిరిగిన గవర్నర్... పాతపుస్తకాలు ఎంతో విలువైన సంపద అని అన్నారు. సమయం దొరికినప్పుడల్లా పుస్తకాలు చదవాలని పిలుపునిచ్చారు. దసరా సందర్భంగా రాజ్భవన్లో గవర్నర్ జమ్మిమొక్క నాటారు.
తెలంగాణకు గవర్నర్గా నియమితులైన తర్వాత తమిళిసై సౌందరరాజన్ ఇక్కడి సంస్కృతి, సంప్రదాయాలను అలవర్చుకున్నారు. తెలంగాణ బాషను, పండుగలను ప్రేమిస్తు వచ్చారు. రాజ్భవన్లో బతుకమ్మ వేడుకలను ఘనంగా నిర్వహించారు. ఉద్యోగులతో పాటు గవర్నర్ సైతం బతుకమ్మ ఆడుతూ, పాటలు పాడుతూ ఉత్సాహంగా పాల్గొన్నారు.