కాంగ్రెస్ పార్టీలో నేతల మధ్య విభేదాలు ఉన్నాయని ప్రత్యేకంగా చెప్పనక్కరలేదు. ఒకరిపై మరొకరు ఎప్పుడూ ఆరోపణలు చేసుకుంటూ... వార్తల్లో నిలుస్తున్నారు. అయితే తాజాగా మరోసారి పీసీసీ అధ్యక్షుడు రేవంత్‌రెడ్డి కోమటిరెడ్డి బ్రదర్స్‌పై విరుచుకుపడ్డారు. ఒకరు పార్టీని వీడి కాంగ్రెస్‌కు నష్టం చేస్తే... మరొకరు పార్టీలోనే ఉంటూ.. ద్రోహం చేస్తున్నారని ఆరోపించారు.
ఎన్నికల సర్వే నిర్వహిస్తే... రాజగోపాల్‌రెడ్డి మూడో స్థానంలో ఉన్నారని.. అందుకే చలి జ్వరం వచ్చి పడుకున్నారని ఎద్దేవా చేశారు. తెరాస, భాజపాలకు ఉమ్మడి శత్రువు కాంగ్రెస్... వారి కుట్రలను ఎదుర్కొవాలని పార్టీ శ్రేణులకు సూచించారు. వారి కుట్రలను తిప్పి కొట్టే బాధ్యత కాంగ్రెస్ శ్రేణులపై ఉందని పేర్కొన్నారు.