ఆక్సిజన్ సిలిండర్​తో పోలింగ్​ కేంద్రానికి - బతికున్నంత వరకు ఓటేస్తానంటున్న శేషయ్య

Patient With Oxygen Cylinder Casted Vote Telangana 2023 : తెలంగాణలో ఎన్నికల పోలింగ్ ప్రశాంతంగా కొనసాగుతోంది. మహిళలు, వృద్ధులు ఓటు హక్కు వినియోగించుకోవడానికి ముందుకు వస్తున్నారు. కొంతమంది యువత మాత్రం ఓటింగ్​లో పాల్గొనడానికి బద్ధకిస్తున్నారు. అలాంటి వారికి శేషయ్య ఆదర్శంగా నిలుస్తున్నారు. తీవ్ర అనారోగ్యంతో బాధపడుతున్నా.. లెక్క చేయకుండా పోలింగ్ కేంద్రానికి వచ్చి మరీ ఓటు వేశారు.

Patient With Oxygen Cylinder Casted Vote Telangana 2023 : తెలంగాణ అసెంబ్లీ ఎన్నికల పోలింగ్ ప్రశాంతంగా కొనసాగుతోంది. యువత, మహిళలతోపాటు వృద్ధులు తమ ఓటు హక్కును వినియోగించుకుంటున్నారు. అనారోగ్యంతో బాధపడుతున్న రోగులు సైతం పోలింగ్ బూత్​లకు వచ్చి తమ ఓటు వేసి అందరికి ఆదర్శంగా నిలుస్తున్నారు.

Telangana Polling 2023 :హైదరాబాద్​లోని గచ్చిబౌలిలో నివాసం ఉంటున్న 75 ఏళ్ల శేషయ్య తీవ్రమైన లివర్ సిరోసిస్​తో బాధపడుతున్నారు. అయినా సరే బతికున్నంత వరకు ఓటు వేయాలన్న పట్టుదలతో ఆయన ఆక్సిజన్ సిలిండర్​తో పోలింగ్ కేంద్రానికి వచ్చారు. గచ్చిబౌలిలోలని జీపీఆర్ఏ క్వార్టర్స్​లోని పోలింగ్ బూత్​లో శేషయ్య తన ఓటు హక్కును వినియోగించుకున్నారు. ఈ సందర్భంగా మాట్లాడిన ఆయన.. ఓటు వేయడం ఓ పౌరుడిగా తన బాధ్యత అని తెలిపారు. 1966 నుంచి తాను మిస్ అవ్వకుండా ఓటు వేస్తున్నానని చెప్పారు.