గుండెకు ఆపరేషన్​ చేస్తే... మెదడు వాపు వ్యాధితో మృతా!!

గుండె జబ్బుతో ఓ ప్రైవేటు ఆసుపత్రిలో చేరితే గుండెకు ఆపరేషన్​ చేశారు. తీరా చూస్తే మెదడు వాపు వ్యాధి అని తేల్చారు. మృతి చెందాక కుటుంబ సభ్యులకు సమాచారం అందించారు. ఒక్క బిల్లు పేపరూ ఇవ్వలేదు. సరైన వైద్యం చేయలేదంటూ వైద్యులు పట్టించుకోకపోవడం వల్లే ఇలా జరిగిందని ​ఆసుపత్రి ముందు మృతుడి బంధువులు ఆందోళనకు దిగారు.

గుండె జబ్బుతో వచ్చిన వ్యక్తికి సరైన వైద్యం అందక మెదడు వాపు వ్యాధితో మృతి చెందడానికి కారణం వైద్యులే అని హైదరాబాద్​లో ఓ ప్రైవేటు​ ఆసుపత్రి ముందు మృతుడి కుటుంబ సభ్యులు ఆందోళనకు దిగారు. వారం రోజుల క్రితం ఆస్పత్రిలో గుండె సంబంధిత వ్యాధితో అడ్మిట్ అయిన రవి అనే యువకుడిని వైద్యులు పట్టించుకోలేదని అందువల్లే అతడు మరణించాడని తమకు సరైన న్యాయం చేయాలని డిమాండ్​ చేశారు. గుండె సంబంధిత వ్యాధితో వచ్చిన రవికి బ్రెయిన్ స్ట్రోక్ రావడం అనేది అసాధ్యమని వారి కుటుంబ సభ్యులు అంటున్నారు. కన్న కొడుకు చనిపోవడంతో తల్లిదండ్రులు బంధువులు కన్నీరుమున్నీరు అవుతున్నారు. న్యాయం జరిగేంత వరకు పోరాటం ఆపేదిలేదని స్పష్టం చేశారు.

ఇవీ చూడండి : విచిత్రం... కొండముచ్చుపై పోలీసులకు ఫిర్యాదు