వైద్యుల నిర్లక్ష్యమే మృతికి కారణం..!

ప్రభుత్వ వైద్యశాలలో సిబ్బంది విధులను నిర్లక్ష్యం చేస్తుండటం వల్ల రోగులు తమ ప్రాణాలు కోల్పోతున్నారు. తాజాగా గాంధీ ఆస్పత్రిలో స్వైన్​ఫ్లూతో ఓ వ్యక్తి చనిపోయాడు.

ప్రజారోగ్యమే లక్ష్యంగా రాష్ట్ర ప్రభుత్వం దవాఖానాలను బలోపేతం చేస్తోంటే, కొందరు వైద్యులకు మాత్రం నిర్లక్ష్యపు రోగం పట్టుకుంది. హైదరాబాద్ ఉప్పల్​కు చెందిన హరినాథ్ రెడ్డికి స్వైన్ ఫ్లూ సోకింది. గాంధీ ఆసుపత్రికి తీసుకెళ్తే వైద్యులు, సిబ్బంది పట్టనట్లు వ్యవహరించారని.. సకాలంలో వైద్యం అందక హరినాథ్​ మృతి చెందాడని బంధువులు ఆరోపించారు. గాంధీ ఆసుపత్రి వైద్యుల నిర్లక్ష్యంతోనే తమ సోదరుడు మృతి చెందాడని.. వారిపై కఠిన చర్యలు తీసుకోవాలని మృతుని బంధువు డిమాండ్ చేశారు.