ఇంటి పరిసరాలను శుభ్రం చేసిన మంత్రి ఎర్రబెల్లి

హైదరాబాద్​లోని తన నివాసంలో పది నిమిషాల పాటు చెత్తా చెదారాన్ని మంత్రి ఎర్రబెల్లి దయాకర్ రావు శుభ్రం చేశారు. ప్రతి ఒక్కరూ సీజనల్ వ్యాధులను నిరోధించేందుకు తప్పనిసరిగా పరిసరాలను శుభ్రపరచాలని కోరారు.

హైదరాబాద్ మంత్రుల నివాస ప్రాంగణంలో పంచాయత్ రాజ్‌ శాఖ మంత్రి ఎర్రబెల్లి దయాకర్ రావు తన ఇంటి ఆవరణలోని పరిసరాలను శుభ్రం చేశారు. మున్సిపల్‌ శాఖ మంత్రి కేటీఆర్ ప్రతి ఆదివారం '10గంటలకు 10నిమిషాల పాటు' ఇంటి పరిసరాలను పరిశుభ్రం చేయాలనే పిలుపు మేరకు దయాకర్‌రావు స్పందించారు.

సీజనల్ వ్యాధులు అరికట్టేందుకు..

ఇందులో భాగంగా తన నివాసంలో పది నిమిషాల పాటు చెట్ల కుండీల్లోని నీరు తొలగించి చెత్తా చెదారాన్ని తొలగించారు. సీజనల్ వ్యాధులు అరికట్టేందుకు ప్రతి ఒక్కరూ తమ ఇంటి పరిసరాలను శుభ్రంగా ఉంచుకోవాలని ఎర్రబెల్లి కోరారు.

ఇవీ చూడండి : దేశంలో ఒక్కరోజే మరో 128 కరోనా మరణాలు