సంక్షేమ పథకాలే గెలిపిస్తాయి : ముఠా గోపాల్​

తెరాస ప్రభుత్వ పథకాలే తలసాని సాయికిరణ్​ను గెలిపిస్తాయని ముషీరాబాద్​ ఎమ్మెల్యే ముఠాగోపాల్ ధీమా వ్యక్తం చేశారు. పార్టీ శ్రేణులతో కలిసి నియోజకవర్గంలో పాదయాత్ర చేశారు.

కేసీఆర్​ ప్రభుత్వం చేపట్టిన సంక్షేమ పథకాలే పార్టీ అభ్యర్థుల విజయానికి దోహద పడతాయని ముషీరాబాద్​ ఎమ్మెల్యే ముఠా గోపాల్​ అభిప్రాయపడ్డారు. కార్యకర్తలతో కలిసి నియోజకవర్గంలోని పలు డివిజన్లలో ఇంటింటి ప్రచారం చేశారు. కారు గుర్తుకు ఓటేసి సికింద్రాబాద్​ అభ్యర్థి తలసాని సాయికిరణ్​ను గెలిపించాలని విజ్ఞప్తి చేశారు.

ప్రచారంలో అన్ని వర్గాల నుంచి విశేష స్పందన వస్తోందని తెరాస కార్మిక విభాగం రాష్ట్ర అధ్యక్షుడు రాంబాబు యాదవ్​ తెలిపారు.

ఇవీ చూడండి:బలవంతుడిని ఢీకొంటున్న కొత్త అభ్యర్థులు