నాణ్యమైన సేవలే లక్ష్యం

రాష్టంలోని అన్ని ప్రభుత్వ ఆస్పత్రులను మరింత అభివృద్ధి చేస్తామని వైద్య ఆరోగ్య శాఖ మంత్రి ఈటల రాజేందర్​ తెలిపారు. హైదరాబాద్​ నిమ్స్​ ఆస్పత్రిని సందర్శించి, సేవలపై ఆరాతీశారు. రోగుల తాకిడికి అనుగుణంగా అన్ని సౌకర్యాలు కల్పిస్తామని హామీ ఇచ్చారు.

రాష్ట్ర వైద్య ఆరోగ్య శాఖ మంత్రి ఈటల రాజేందర్​ నిమ్స్​ ఆస్పత్రిని సందర్శించారు. వివిధ విభాగాలు, రోగుల ఆరోగ్య పరిస్థితిపై ఆరా తీశారు. దేశంలోనే ఎంతో చరిత్ర కలిగిన నిమ్స్​ ఆస్పత్రికి రోగుల తాకిడి ఎక్కువైందని.. అందుకు తగిన విధంగా అన్ని విభాగాలను విస్తరిస్తామన్నారు. ఆరోగ్య శ్రీ లో మార్పులు చేస్తామని.. ఔట్​ సోర్సింగ్​, ఒప్పంద ఉద్యోగులకు సరైన సమయంలో వేతనాలు వచ్చేలా చర్యలు తీసుకుంటామన్నారు. నాణ్యమైన విద్య, వైద్యాన్ని ప్రజలకు అందించేందుకు నిరంతరం కృషిచేయాలని ముఖ్యమంత్రి సూచించినట్లు తెలిపారు. రోగులకు సంతృప్తికరమైన సేవలందించడమే తమ ప్రభుత్వ లక్ష్యమని పేర్కొన్నారు.

ఇవీ చూడండి:పాక్ కుర్చీ ఖాళీ