2019-2020 విద్యా సంవత్సరంకు సంబంధించిన ఓయూ దూరవిద్య అడ్మిషన్ల నోటిఫికేషన్ను హైదరాబాద్లో ఉస్మానియా యూనివర్సిటీ వీసీ ప్రొఫెసర్ రామచంద్రం విడుదల చేశారు. 2020- 2021 విద్యా సంవత్సరంలో సెమిస్టర్ విధానం అమలు చేయనున్నట్టు తెలిపారు. దూర విద్య ద్వారా డిగ్రీ, పీజీలలో ప్రస్తుతం 26 కోర్సులను అందిస్తున్నామని.. ఈ ఏడాది కొత్తగా మరో మూడు కోర్సుల(ఎమ్ఎ.పబ్లిక్ అడ్మినిస్ట్రేషన్, బికాం.కంప్యూటర్ అప్లికేషన్, పీజీ డిప్లామా డాటా సైన్స్)ను ప్రవేశపెడుతున్నామని పేర్కొన్నారు. యూజీసీ నిబంధనల ప్రకారం దూర విద్యా కోర్సులను కూడా సెమిస్టర్ పద్ధతిలోనే ప్రవేశపెట్టాలని, వచ్చే సంవత్సరం నుండి సెమిస్టర్ విధానాన్ని అమలు చేయనున్నామని వెల్లడించారు. ఈ కార్యక్రమంలో రిజిస్ట్రార్ ప్రొఫెసర్ గోపాల్ రెడ్డి, దూర విద్యా కేంద్రం డైరెక్టర్ ప్రొఫెసర్ గణేష్, పీఆర్ఓ సుజాత, పలువురు అధ్యాపకులు పాల్గొన్నారు.
వచ్చే ఏడాది దూరవిద్యలో సెమిస్టర్ విధానం - hyderabad
ఓయూ దూరవిద్య 2019-2020 విద్యా సంవత్సరంకు సంబంధించిన అడ్మిషన్ల నోటిఫికేషన్ను ఉస్మానియా యూనివర్సిటీ వీసీ ఆచార్య రామచంద్రం విడుదల చేశారు. 2020- 2021 విద్యా సంవత్సరంలో సెమిస్టర్ విధానం అమలు చేయనున్నట్టు తెలిపారు.
వచ్చే ఏడాది దూరవిద్యలో సెమిస్టర్ విధానం