తెలంగాణ

telangana

ETV Bharat / state

గ్రీన్​ ఛానల్ సక్సెస్​​.. 16 నిమిషాల్లో గుండె, ఊపిరితిత్తుల తరలింపు - organs transportation from kamineni hospital

Green Channel: రాచకొండ పోలీసులు మరోసారి గ్రీన్​ ఛానల్​ను ఏర్పాటు చేశారు. అతి తక్కువ సమయంలో గుండె, ఊపిరితిత్తులను.. గమ్య స్థానానికి చేర్చారు. ఎల్బీనగర్​ కామినేని ఆస్పత్రి నుంచి బేగంపేట్​లోని కిమ్స్​ ఆస్పత్రి వరకూ కేవలం 16 నిమిషాల్లో అవయవాలను తరలించారు.

organs transportation from kamineni hospital to kims
కామినేని నుంచి కిమ్స్​కు అవయవాలు

By

Published : Mar 8, 2022, 7:28 PM IST

Green Channel: హైదరాబాద్​ నగరంలో రాచకొండ పోలీసులు మరోసారి గ్రీన్​ ఛానల్​ను ఏర్పాటు చేసి దిగ్విజయంగా అవయవాలను రవాణా చేశారు. ఎల్బీ నగర్​ కామినేని ఆస్పత్రి నుంచి బేగంపేట్​లోని కిమ్స్​ ఆస్పత్రికి కేవలం 16 నిమిషాల్లో గుండె, ఊపిరితిత్తులను అంబులెన్స్​లో తరలించారు. ఉదయం 10.01 గంటలకు బయలుదేరిన అంబులెన్స్​.. ట్రాఫిక్​ అంతరాయం కలగకుండా 17.6 కిలోమీటర్ల దూరాన్ని కేవలం 16 నిమిషాల్లో అధిగమించి.. 10.17 గంటలకు కిమ్స్​కు చేరింది. ఈ మేరకు రాచకొండ ట్రాఫిక్​ పోలీసులను ఆస్పత్రుల యాజమాన్యం, సీపీ మహేశ్​ భగవత్​ అభినందించారు.

మరణిస్తూ ఇద్దరికి ప్రాణం పోశారు

నల్గొండ జిల్లా మునుగోడు వద్ద ఈ నెల 5న ఆండాలు(40) అనే కూలీ.. పని నిమిత్తం ద్విచక్ర వాహనంపై వెళ్తుండగా ప్రమాదవశాత్తు కింద పడటంతో తలకు తీవ్ర గాయాలయ్యాయి. పరీక్షించిన ఆస్పత్రి వైద్యులు బ్రెయిన్​డెడ్​ అయిందని కుటుంబసభ్యులకు తెలిపారు. దీంతో వారు ఆండాలు అవయవాలు(గుండె, ఊపిరితిత్తులు) దానం చేసేందుకు అంగీకరించారు. దీంతో సకాలంలో అవయవ మార్పిడి కోసం చేశారు రాచకొండ ట్రాఫిక్ పోలీసులు గ్రీన్ ఛానల్ ఏర్పాటు చేశారు.

ఉచిత ప్రివెంటివ్​ హెల్త్​ చెకప్​

అంతర్జాతీయ మహిళా దినోత్సవాన్ని పురస్కరించుకుని ఎల్బీనగర్ కామినేని ఆస్పత్రిలో సిబ్బంది వాక్ నిర్వహించారు. జీహెచ్ఎంసీ డిప్యూటీ మేయర్ మోతె శ్రీలత శోభన్ జెండా ఊపి వాక్​ని ప్రారంభించారు. అంతర్జాతీయ మహిళా దినోత్సవాన్ని పురస్కరించుకుని మహిళల్లో, బాలికల్లో స్ఫూర్తిని నింపేందుకు, సాధికారత కల్పించేందుకు వాక్ నిర్వహించడం గర్వకారణమని డిప్యూటీ మేయర్​ అన్నారు.

మహిళల ఆరోగ్యానికి కామినేని ఆస్పత్రి అత్యంత ప్రాధాన్యతనిస్తోందని అన్నారు. ప్రతి మహిళకు అందుబాటు ధరలో ఉండేలా ఉచిత ప్రివెంటివ్ హెల్త్ చెకప్ ప్యాకేజీని ప్రవేశపెడుతున్నట్లు కామినేని సీఈవో గాయత్రి తెలిపారు. మహిళలందరూ ఈ ఉచిత ప్రివెంటివ్ హెల్త్ చెకప్ ప్యాకేజీని సద్వినియోగం చేసుకోవాలని కోరారు.

ఇదీ చదవండి:Women in Social Service: అభాగ్యులకు అండగా.. అనాథ మృతదేహాలకు ఆ నలుగురిగా

ABOUT THE AUTHOR

...view details