ఎస్సీ గురుకులాల్లోని విద్యార్థులకు ఆన్లైన్ ద్వారా పాఠాలు బోధించేందుకు అధికారులు ఏర్పాట్లు చేశారు. సోమవారం నుంచి మధ్యాహ్నం ఒకటిన్నర నుంచి రెండు గంటల వరకు.. రోజూ 30 నిమిషాల పాటు ఈ ఆన్లైన్ పాఠాలు ప్రసారమవుతాయని సొసైటీ కార్యదర్శి ప్రవీణ్కుమార్ పేర్కొన్నారు.
గురుకుల విద్యార్థులకు ఆన్లైన్లో పాఠాలు - తెలంగాణ తాజా వార్తలు
ఎస్సీ గురుకులాల విద్యార్థులకు ఈనెల 6 నుంచి దూరదర్శన్ యాదగిరి ఛానెల్ ద్వారా ఆన్ లైన్ పాఠాలు బోధించేందుకు ఏర్పాట్లు చేశారు. గురుకుల పాఠశాలలు, ఇంటర్, డిగ్రీ విద్యార్థులకు టీవీ ద్వారా పాఠాలు బోధించనున్నట్టు సొసైటీ కార్యదర్శి ఆర్ఎస్ ప్రవీణ్ కుమార్ తెలిపారు.
గురుకుల విద్యార్థులకు ఆన్లైన్లో పాఠాలు
ఈనెల 6 నుంచి 18 వరకు డిగ్రీ... 21 నుంచి 31 వరకు ఇంటర్మీడియట్.. ఆగస్టు 3 నుంచి 11 వరకు పాఠశాల విద్యార్థులకు పాఠాలు ప్రసారమవుతాయని ప్రవీణ్ కుమార్ తెలిపారు. తెలుగు, ఇంగ్లీషు, హిందీ, గణితం, సైన్స్, కామర్స్, ఎకనామిక్స్, సోషల్ , మ్యూజిక్ వంటి సబిజెక్టుల్లో ఎంపిక చేసిన అంశాలను.. నిపుణులైన ఉపాధ్యాయులు, అధ్యాపకులు బోధిస్తారన్నారు. కరోనా పరిస్థితుల్లో గ్రామాల్లోని పేద విద్యార్థుల చదువులు ఆగిపోకుండా ప్రభుత్వ సహకారంతో ఆన్లైన్ పాఠాలను బోధిస్తున్నట్టు ఆయన స్పష్టం చేశారు.
ఇదీ చూడండి:బుద్ధుని బోధనలు సర్వదా అనుసరణీయం: మోదీ