గోదావరి, ప్రాణహిత కళకళ.. శ్రీశైలానికి కొనసాగుతున్న ప్రవాహం

వరద నీటితో గోదావరి, ప్రాణహిత నదులు కళకళలాడుతున్నాయి. శ్రీశైలం జలాశయానికి వరద కొనసాగుతోంది. నారాయణపూర్‌ నుంచి విడుదల చేసే నీటితోపాటు దిగువన ఎడతెరిపి లేకుండా కురుస్తున్న వర్షాల కారణంగా జూరాలకు వస్తున్న ప్రవాహం నిలకడగా ఉంది.

శ్రీశైలం జలాశయానికి వరద కొనసాగుతోంది. ప్రస్తుతం లక్ష క్యూసెక్కుల ప్రవాహం ప్రాజెక్టులోకి చేరుతోంది. నారాయణపూర్‌ నుంచి విడుదల చేసే నీటితోపాటు దిగువన ఎడతెరిపి లేకుండా కురుస్తున్న వర్షాల కారణంగా జూరాలకు వస్తున్న ప్రవాహం నిలకడగా ఉంది.

శుక్రవారం సాయంత్రం 6 గంటలకు జూరాల జలాశయంలోకి 95 వేల క్యూసెక్కుల వరద చేరుతోంది. అక్కడి నుంచి సుమారు 74 వేల క్యూసెక్కులకు పైగా విడుదల చేస్తుండగా, దిగువన కురిసే వర్షాలతో కలిసి శ్రీశైలంలోకి లక్ష క్యూసెక్కులకు పైగా చేరుతోంది. ఎగువ, దిగువ జూరాల జలవిద్యుత్తు కేంద్రాల్లో కరెంటు ఉత్పత్తి కొనసాగుతోంది. మొత్తం 11 యూనిట్ల నుంచి 429 మెగావాట్ల ఉత్పత్తి వస్తోంది.

మరోవైపు గోదావరి బేసిన్‌లోని శ్రీరామసాగర్‌లోకి కూడా 11 వేల క్యూసెక్కులకు పైగా ప్రవాహం ఉంది. జయశంకర్‌ భూపాలపల్లి జిల్లాలోని కాళేశ్వరం త్రివేణి సంగమం వద్ద గోదావరి, ప్రాణహిత నదులు వరద నీటితో కళకళలాడుతున్నాయి. దీంతో స్థానిక పుష్కర ఘాట్‌ వద్ద 7.78 మీటర్ల మేర ప్రవాహం నమోదైంది. దిగువన ఉన్న లక్ష్మీ పంపుహౌస్‌ వద్ద 1.50 లక్షల క్యూసెక్కులుగా ప్రవాహం ఉంది. లక్ష్మీ(మేడిగడ్డ) బ్యారేజీకి భారీగా వరదనీరు వచ్చి చేరుతోంది. శుక్రవారం 35 గేట్ల ద్వారా 92,500 క్యూసెక్కుల నీటిని దిగువకు విడుదల చేస్తున్నారు. ప్రస్తుతం బ్యారేజీలో 12.51 టీఎంసీలకు నీటి నిల్వ చేరుకుంది. కృష్ణా, గోదావరి బేసిన్‌లలోని ప్రాజెక్టుల్లో శుక్రవారం నాటి నీటి నిల్వల వివరాలు ఇలా ఉన్నాయి..ఇదీ చూడండి:మహారాష్ట్రలో ఒక్కరోజే కరోనాతో 258 మంది మృతి