ఓ వ్యక్తిని జైలుకు తీసుకెళ్తుండగా తప్పించుకున్నాడు

మహిళల వేధింపుల కేసులో ఓ వ్యక్తి అరెస్టై రిమాండ్​కు తరలించే క్రమంలో సినీ ఫక్కీలో తప్పించుకున్నాడు. ఈ ఘటన చర్లపల్లి జైలు వద్ద జరిగింది. అతని కోసం ప్రత్యేక బృందాలతో వెతుకుతున్నారు.

దుర్గాప్రసాద్​ అనే వ్యక్తిని రిమాండ్​కి తరలించే సమయంలో చర్లపల్లి జైల్ వద్ద పోలీసుల కళ్లు గప్పి ఉదయం తప్పించుకున్నాడు. వాట్సాప్​లో అశ్లీల చిత్రాలు, అసభ్యకర సందేశాలు పంపుతూ మహిళా న్యాయవాదిని వేధిస్తున్న క్రమంలో అతనిని రాచకొండ సైబర్ క్రైమ్ పోలీసులు అరెస్ట్ చేశారు.

మలక్​పేటలోని తన స్నేహితుని ఇంట్లో తలదాచుకున్న ప్రసాద్​ను రాత్రి పోలీసులు అదుపులోకి తీసుకున్నారు. గతంలో మహిళల వేధింపుల కేసులో జైలుకు వెళ్లి వచ్చినా తీరు మార్చుకోలేదు.. అదే పంథా కొనసాగిస్తూ మరోసారి పోలీసులకు దోరికిపోయాడు. దుర్గాప్రసాద్ కోసం ప్రత్యేక బృందాలతో పోలీసులు గాలిస్తున్నారు.

ఇదీ చూడండి :పీఎస్​కు వచ్చే ఫిర్యాదు పేపర్లను ఇస్త్రీ చేస్తున్న పోలీసులు