ఇంట్లో భార్య పోరును భరించలేక పోయాడో వ్యక్తి. ఇందుకు మరణమే శరణ్యమని భావించాడు. ఫ్లైఓవర్ పైనుంచి దూకి ఆత్మహత్య చేసుకోవాలని నిశ్చయించుకున్నాడు. దూకేందుకు యత్నించి ప్రాణభయంతో తల్లడిల్లుతున్న సదరు వ్యక్తిని పోలీసులు చాకచక్యంగా కాపాడారు. ఓ దిల్లీ పోలీసు అధికారి తెలిపిన వివరాల ప్రకారం.. ఆత్మహత్య చేసుకుందామని భావించిన ఓ వ్యక్తి (32) స్థానిక ఫ్లైఓవర్ పైనుంచి కిందకు దూకే క్రమంలో ఫ్లైఓవర్ సిమెంటు రెయిలింగ్‌ను పట్టుకొని వేలాడుతూ సహాయం కోసం అర్థిస్తున్నాడు.
భార్య పోరు భరించలేక దూకేశాడు.. అయినా బతికేశాడు..! - ర్య పోరు భరించలేక ఫ్లైఓవర్ పైనుంచి దూకిన వ్యక్తి
ఇంట్లో భార్య పోరు భరించలేక ఫ్లైఓవర్ పైనుంచి దూకి ఆత్మహత్య చేసుకునేందుకు యత్నించాడు. అదృష్టవశాత్తు ఫ్లైఓవర్ సిమెంటు రెయిలింగ్‌ను పట్టుకొని వేలాడుతుండగా... విషయం గుర్తించిన పోలీసులను ఆ వ్యక్తిని రక్షించారు.
భార్య పోరు భరించలేక..!
ఇది గమనించిన ఇద్దరు బైక్‌ పెట్రోలింగ్‌ పోలీసులు బారికేడ్‌ పికెట్ల వద్ద విధుల్లో ఉన్న మరో ముగ్గురు పోలీసులను అప్రమత్తం చేశారు. అనంతరం వారంతా ఆ వ్యక్తి దగ్గరికి చేరుకొని అతడి రెండు చేతులను గట్టిగా పట్టుకున్నారు. అంతలోపు మిగతా ముగ్గురు పోలీసులు అతడు కిందపడితే ప్రమాదం జరగకుండా ఉండేందుకు చెత్త తరలించే ఓ లారీని అతడు కిందపడే చోట ఆపించారు. అంతలోపే పైనున్న ఇద్దరు పోలీసులు ఎలాగోలా పైకి లాగి ఆ వ్యక్తిని కాపాడారు. అనంతరం పోలీసులు అతడిని ప్రశ్నించగా ఇంట్లో భార్య తరచూ గొడవపడుతోందని అందుకే ఆత్మహత్య చేసుకోవాలనుకున్నానని చెప్పాడు. ‘సదరు వ్యక్తి నిరుద్యోగి. ఏదైనా పనిచేసుకోవాలని భార్య తరచూ మందలిస్తుండటంతో ఆత్మహత్యాయత్నానికి పాల్పడ్డాడు’. అని పోలీసు అధికారి పేర్కొన్నాడు.
ఇవీ చూడండి:కరోనా కట్టడికి మరిన్ని కీలక నిర్ణయాలు