తిరుచానూరు శ్రీ పద్మావతి అమ్మవారి ఆలయంలో బ్రేక్ దర్శనం అందుబాటులోకి వచ్చింది. ఈ మేరకు తితిదే ప్రకటన చేసింది. లాక్‌డౌన్ వల్ల ఆలయంలో విరామ సమయ ద‌ర్శ‌నాన్ని కొన్నాళ్ల క్రితం తాత్కాలికంగా నిలిపివేశారు. కొవిడ్‌ నిబంధనల మేరకు జూన్ 8 నుంచి ఆలయంలో అమ్మవారి ద‌ర్శ‌నానికి భక్తులకు అనుమ‌తిచ్చినా.. విరామ దర్శనాలు అమలు చేయలేదు.
నేటి నుంచి శ్రీ పద్మావతి అమ్మవారి ఆలయంలో బ్రేక్ దర్శనం
కొవిడ్‌ నిబంధనల మేరకు 2020 జూన్ 8 నుంచి తిరుచానూరు శ్రీ పద్మావతి అమ్మవారి ద‌ర్శ‌నానికి భ‌క్తులను అనుమ‌తిస్తున్నా.. విరామ సమయ దర్శనాలను మాత్రం ఇప్పటి వరకు అమలు చేయలేదు. నేటి నుంచి బ్రేక్ దర్శనం పునఃప్రారంభిస్తున్నట్లు తితిదే ప్రకటించింది.
నేటి నుంచి శ్రీ పద్మావతి అమ్మవారి ఆలయంలో బ్రేక్ దర్శనం
తిరిగి.. బుధవారం ఉదయం 11.30 నుంచి 12 గంటల వరకు, సాయంత్రం 7 నుంచి 7.30 గంటల వరకు వీఐపీ విరామ సమయ దర్శనాలను అమలు చేయనున్నారు. ప్రోటోకాల్‌ వీఐపీలకు నిర్దేశించిన సమయంలో అమ్మవారి దర్శనం కల్పించేందుకు, సాధారణ భక్తులకు అసౌకర్యాన్ని తగ్గించేందుకు ఈ నిర్ణయం తీసుకున్నట్టు తితిదే తెలిపింది.