'ఆ కేసుతో మాకెలాంటి సంబంధం లేదు'

నేర ప్రవృతితో కొనసాగుతున్న తమను పోలీసు ఉన్నతాధికారులు... మాలో మార్పు తీసుకొచ్చినందుకు పాత నేరస్థులు కృతజ్ఞతలు తెలిపారు. ఎలాంటి నేరాలు చేయకపోయిన ఓ మహిళ లైంగిక కేసులో తమ పేర్లను ప్రస్తావించడంపై వారు ఆక్షేపించారు. తమపై తప్పుడు ప్రచారం చేస్తున్న వారిపై పోలీసులకు ఫిర్యాదు చేస్తామని స్పష్టం చేశారు.

ఇటీవల వరంగల్ జిల్లా ఖాజీపేట్​కు చెందిన బ్రాహ్మచారి అనే వ్యక్తి ఓ మహిళపై చేసిన లైంగిక దాడిలో తమకు ఎలాంటి సంబంధం లేదని... ఎల్బీనగర్​కు చెందిన ఆళ్లగడ్డ ప్రసాద్, ఈసీఐఎల్ ప్రాంతానికి చెందిన మార్నేని రాజు స్పష్టం చేశారు. కానీ ఈ విషయంలో కొంతమంది తమపై తప్పుడు ప్రచారం చేయడాన్ని వారు ఖండించారు.

గతంలో సైబరాబాద్ సీపీ సీవీ ఆనంద్ చొరవతో... నేర జీవితానికి స్వస్తి పలికి తాము మరికొంతమంది ప్రజా జీవితంలోకి రావడం జరిగిందని పేర్కొన్నారు. అలాగే పోలీసు అధికారులు తమ సొంత డబ్బులతో టీ స్టాల్ పెట్టించారని దానితో కుంటుంబాన్ని పోషిస్తున్నామని తెలిపారు. అప్పటి నుంచి ఎలాంటి నేరాలకు పాల్పడకుండా ప్రజా జీవితంలో కొనసాగుతున్నామని వెల్లడించారు.

ఇదీ చూడండి:రాష్ట్ర వ్యాప్తంగా మున్సిపల్‌ కమిషనర్ల బదిలీ