స్థానిక సంస్థల కోటా ఎమ్మెల్సీ ఎన్నికల(MLC Election Observers)కు పరిశీలకులను నియమించారు. ఐఏఎస్ అధికారులను పరిశీలకులుగా నియమిస్తూ కేంద్ర ఎన్నికల సంఘం (CEC) ఆదేశాలు జారీ చేసింది. ఉమ్మడి జిల్లాల నియోజకవర్గాల వారీగా పరిశీలకులకు బాధ్యతలు అప్పగించారు. ఆదిలాబాద్‌కు నవీన్ మిత్తల్, వరంగల్‌కు శైలజా రామయ్యర్, నల్గొండకు అహ్మద్ నదీం పరిశీలకులుగా వ్యవహరిస్తారు.
మెదక్కు వీరబ్రహ్మయ్య, నిజామాబాద్కు అనితా రాజేంద్ర, ఖమ్మంకు సుదర్శన్ రెడ్డిని పరిశీలకులుగా నియమించారు. కరీంనగర్కు విజయ కుమార్, మహబూబ్నగర్కు ఇ. శ్రీధర్, రంగారెడ్డికి చంపాలాల్ పరిశీలకులుగా ఉంటారు. 9 ఉమ్మడి జిల్లాకు చెందిన 12 స్థానాలకు ఎన్నికల కోసం నామినేషన్ల దాఖలు గడువు నిన్నటితో ముగిసింది. ఇవాళ పరిశీలన చేపట్టనున్నారు.