NOTIFICATION FOR AP POLICE RECRUITMENT : ఆంధ్రప్రదేశ్‌లో ఎట్టకేలకు పోలీసు నియామకాలకు నోటిఫికేషన్ విడుదలైంది. నిరుద్యోగులు ఎప్పుడెప్పుడా అని ఎదురుచూస్తున్న నిరీక్షణకు తెరపడింది. మొత్తం 6100 కానిస్టేబుళ్లు, 411 ఎస్ఐ పోస్టులకు నోటిఫికేషన్ వెలువడింది. 315 ఎస్ఐ, 96 రిజర్వ్‌ సబ్‌ఇన్‌స్పెక్టర్‌, 3,580 కానిస్టేబుల్ (సివిల్‌), 2,520 ఏపీఎస్పీ పోస్టుల భర్తీకి రాష్ట్ర ప్రభుత్వం నోటిఫికేషన్ జారీ చేసింది. అభ్యర్థుల నుంచి ఆన్‌లైన్‌ ద్వారా దరఖాస్తులు స్వీకరించనున్నారు.
AP Police Recruitment: పోలీసు నియామకాలకు నోటిఫికేషన్ రిలీజ్
NOTIFICATION FOR AP POLICE RECRUITMENT : ఆంధ్రప్రదేశ్‌లో పోలీసుల నియామకాలకు నోటిఫికేషన్ విడుదలైంది. వివిధ విభాగాలకు సంబంధించి మొత్తంగా 6,100 కానిస్టేబుల్, 411 ఎస్సై పోస్టుల భర్తీకి నోటిఫికేషన్ జారీ అయింది.
POLICE
కానిస్టేబుల్ పోస్టులకు ఈనెల 30 నుంచి డిసెంబర్‌ 28 వరకు దరఖాస్తులు స్వీకరించనున్నారు. జనవరి 22న ప్రిలిమనరీ రాతపరీక్ష జరగనుంది. ఎస్ఐ పోస్టులకు డిసెంబర్‌ 14 నుంచి జనవరి 18 వరకు దరఖాస్తులు స్వీకరించి.. ఫిబ్రవరి 19న ప్రిలిమనరీ రాత పరీక్ష ఉంటుంది. ఎస్ఐ పోస్టులకు ఫిబ్రవరి 5 నుంచి హాల్‌టికెట్లు జారీ కానుండగా.. కానిస్టేబుల్ పోస్టులకు జనవరి 9 నుంచి హాల్‌టికెట్లు జారీ చేస్తారు. ఎస్ఐ పోస్టులకు ఫ్రిబవరి 19న ఉదయం 10 నుంచి మధ్యాహ్నం ఒంటి గంట వరకు పేపర్‌-1 పరీక్ష, మధ్యాహ్నం 2.30 నుంచి సా.5.30 గంటల వరకు పేపర్‌-2 ఎస్ఐ పరీక్ష జరగనుంది.
ఇవీ చదవండి: