గవర్నర్​కు పలువురి నూతన సంవత్సర శుభాకాంక్షలు

నూతన సంవత్సరం సందర్భంగా గవర్నర్ తమిళిసై సౌందరరాజన్​కు పలువురు శుభాకాంక్షలు తెలిపారు. కొవిడ్ నేపథ్యంలో ఏటా రాజ్​భవన్​లో నిర్వహించే ఓపెన్ హౌస్​ను రద్దు చేయటంతో.. ఈ మారు ఫోన్ ద్వారా శుభాకాంక్షలు చెప్పారు.

రాష్ట్ర గవర్నర్ తమిళిసై సౌందరరాజన్​కు పలువురు నూతన సంవత్సర శుభాకాంక్షలు తెలిపారు. కరోనా కారణంగా ఏటా రాజ్​భవన్​లో నిర్వహించే ఓపెన్ హౌస్​ను రద్దు చేయటంతో.. టెలిఫోన్​ ద్వారా శుభాకాంక్షలు చెప్పారు. 68 మంది నుంచి ఫోన్ ద్వారా గవర్నర్ శుభాకాంక్షలు అందుకున్నారు.

శాసన సభాపతి పోచారం శ్రీనివాసరెడ్డి ఫోన్ ద్వారా తమిళిసైకి శుభాకాంక్షలు తెలిపారు. పలువురు ప్రైవేట్ ఉపాధ్యాయులు, ఇంజనీరింగ్ కళాశాలల ఒప్పంద అధ్యాపకుల సమస్యలు, ఇతర అంశాలను గవర్నర్ దృష్టికి తీసుకొచ్చారు. జోక్యం చేసుకొని సమస్యలు పరిష్కరించాలని కోరారు. సమస్యలను లిఖితపూర్వకంగా రాజ్​భవన్​కు పంపాలని గవర్నర్ వారికి సూచించారు.

ఇదీ చదవండి:కేసీఆర్​కు ఉద్యోగసంఘాలు భయపడుతున్నాయి : బండి