త్వరలో కొత్త రెవెన్యూ డివిజన్లు...!

ప్రజల కోరికల మేరకు ఎన్నికల్లో​ ఇచ్చిన హామీలను కేసీఆర్​ ఒక్కొక్కటిగా అమలు చేస్తున్నారు. ఇటీవల రెండు కొత్త జిల్లాలను ప్రకటించిన గూలాబీ బాస్​ మరో ప్రజాభీష్టాన్ని తీర్చబోతున్నారు.

రాష్ట్రంలో మరో రెండు కొత్త రెవెన్యూ డివిజన్లు ఏర్పాటు కానున్నాయి. ఎన్నికల్లో ఇచ్చిన హామీ మేరకు జగిత్యాల జిల్లాలో కోరుట్ల, నాగర్ కర్నూల్ జిల్లాలో కొల్లాపూర్​ని డివిజన్లుగా ఏర్పాటు చేసేందుకు ప్రభుత్వం నిర్ణయం తీసుకుంది. 3 మండలాలతో కోరుట్ల, 4 మండలాలతో కొల్లాపూర్​కి ముసాయిదా నోటిఫికేషన్ విడుదల కానుంది.

ఇప్పటికే ములుగు, నారాయణపేట జిల్లాలతో పాటు మరో నాలుగు మండలాల ఏర్పాటుకు గతంలోనే ముసాయిదా నోటిఫికేషన్ జారీ చేసి అభ్యంతరాలను కూడా స్వీకరించారు. కోయిల్ కొండ, కోస్గి మండలాలను మహబూబ్​నగర్​లోనే కొనసాగించాలని భారీగా విజ్ఞప్తులు వచ్చాయి. కొత్తగూడ, గంగారంలను ములుగు జిల్లాలో కలపాలని స్థానికులు కోరుతున్నారు.
ప్రభుత్వం ఒక నిర్ణయానికి వచ్చాక కొత్త జిల్లాలు, మండలాల ఏర్పాటుకు సంబంధించి తుది నోటిఫికేషన్ జారీకానుంది.