బయోపోర్​, నిట్​ మధ్య కుదిరిన కొత్త ఒప్పందం

సంగారెడ్డి జిల్లా పాశమైలారంలోని బయోపోర్ పరిశ్రమ, వరంగల్​లోని జాతీయ సాంకేతిక విద్యాసంస్థ(నిట్​) మధ్య ఒప్పందం కుదిరింది.​ ఇందులో భాగంగా పరిశ్రమలో పనిచేసే శాస్త్రవేత్తలు నిట్​లో పీహెచ్​డీ చేసేందుకు... నిట్ విద్యార్థులు పరిశ్రమలో ఎక్స్​పోజర్ సందర్శించేందుకు అవకాశం కలుగుతుంది.

సంగారెడ్డి జిల్లా పటాన్​చెరు మండలం పాశమైలారంలోని బయోపోర్​ ఫార్మాస్యూటికల్ పరిశ్రమ, నిట్ నడుమ నూతన ఒప్పందం కుదిరింది. ఒప్పందంలో భాగంగా నిట్​లో ఎమ్మెస్సీ, ఎంటెక్, పీహెచ్​డీ చేసే విద్యార్థులు పరిశ్రమలో ఎక్స్​పోజర్ సందర్శించవచ్చు. మరోవైపు పరిశ్రమలో పనిచేసే శాస్త్రవేత్తలు... నిట్ సైంటిస్టులతో కలిసి పరిశోధనలు జరపవచ్చు.

ఈ మేరకు నిట్​ డైరెక్టర్ రామారావు, బయోపోర్ సంస్థ సీఈవో అధికారి జగదీశ్​ బాబులు సంతకాలు చేసి అంగీకారం తెలిపారు. ఇరుసంస్థల అవసరాలకు తగ్గట్లు స్వల్పకాల కోర్సులు నిర్వహించడం, సదస్సులు, సింపోజియంలు, పరిజ్ఞానాన్ని ఇచ్చిపుచ్చుకునే సమావేశాలు నిర్వహిస్తారు. నిట్​లో జరిగే ప్రాంగణ ఎంపికల్లో పరిశ్రమకు ప్రాధాన్యత ఇస్తారు. ఈ ఒప్పందం ఐదేళ్లపాటు కొనసాగుతుందని వారు తెలిపారు.

ఇదీ చూడండి:దలాల్​ స్ట్రీట్​ ఢమాల్​- సెన్సెక్స్​ రికార్డు పతనం