Case against Heera Group: మనీలాండరింగ్ కింద ఆరోపణలు ఎదుర్కొంటున్న హీరా గ్రూప్ అధినేత నౌహీరా షేక్ ఈరోజు హైదరాబాద్లోని ఈడీ ఆఫీస్కు వచ్చారు. ఆస్తుల జప్తు విషయంలో సుప్రీంకోర్టులో తీర్పు అనుకూలంగా రావడంతో.. ఈడీకి ఆ పత్రాలు సమర్పించేందుకు ఆమె కార్యాలయానికి వచ్చారు. "ఇటీవలే ఈడీ తమ ఆస్తులు జప్తు చేసిందని.. దీనికి సంబంధించి సుప్రీంకోర్టులో సవాల్ చేయగా తమకు అనుకూలంగా తీర్పు వచ్చిందని" ఆమె తెలిపారు.
36 శాతం వడ్డీ ఇస్తామని ప్రజల నుంచి 5 వేల కోట్ల సేకరించి.. తిరిగి చెల్లించకపోవడంతో హైదరాబాద్ సీసీఎస్లో గతంలో కేసు నమోదైంది. ఈ కేసు ఆధారంగా డబ్బును విదేశాల్లో షెల్ కంపెనీలకు మళ్లించడంతో.. 2018లో మనీలాండరింగ్ కింద ఈడీ మరో కేసు నమోదు చేసి దర్యాప్తు చేస్తోంది. ఇందులో భాగంగా పలు ఆస్తులను జప్తు చేసింది.