nara lokesh: ఐపీఎల్​లో గేల్​ రికార్డును జగన్​ బద్దలు కొట్టారు: లోకేశ్

ఐపీఎల్​లో గేల్​ సెంచరీ రికార్డును ఇండియన్ పెట్రోల్ లీగ్​లో ఏపీ సీఎం జగన్​ బద్దలు కొట్టారని నారా లోకేశ్(nara lokesh) ఎద్దేవా చేశారు. దేశంలో లీటర్ పెట్రోల్ ధర రూ.వంద దాటిన రాష్ట్రాల్లో... ఏపీని అగ్రస్థానంలో నిలబెట్టారని మండిపడ్డారు.

ఐపీఎల్​లో క్రిస్ గేల్ సాధించిన సుడిగాలి సెంచరీ రికార్డును... ఇండియన్ పెట్రోల్ లీగ్​లో మూడు రాజధానుల కెప్టెన్ ఏపీ సీఎం జగన్ బద్దలు కొట్టారని తెలుగుదేశం జాతీయ ప్రధాన కార్యదర్శి నారా లోకేశ్(nara lokesh) ఎద్దేవా చేశారు. దేశంలో లీటర్ పెట్రోల్ ధర రూ.వంద దాటిన రాష్ట్రాల్లో... ఏపీని అగ్రస్థానంలో నిలబెట్టారని మండిపడ్డారు. అవినీతిలోనూ... ధరలు పెంచడంలోనూ తానే ఎ1 అని జగన్ నిరూపించుకున్నారని విమర్శించారు.

పన్నులు తగ్గించుకుంటే... పెట్రోల్, డీజిల్​ను తక్కువ ధరకే ఇవ్వొచ్చని ప్రతిపక్షంలో ఉన్నప్పుడు ఫేక్ కబుర్లు చెప్పిన జగన్ ... అధికారంలోకి వచ్చాక మామూలు పన్నులను రెండింతలు చేయటంతో పాటు జే ట్యాక్స్ కలిపి మరీ పెట్రోల్ ధరను సెంచరీ కొట్టించారని దుయ్యబట్టారు. ఈ మేరకు జగన్ ఇంధనం ధరల గురించి మాట్లాడిన వీడియోను తన ట్విట్టర్ ఖాతాకు లోకేశ్ జత చేశారు.

ఇదీ చూడండి:వీడియో వైరల్: సింగిల్ విండో ఛైర్మన్ లంచం డిమాండ్