టీవీ 9 మాజీ సీఈవో రవిప్రకాశ్ను పదిరోజులు కస్టడీకి ఇవ్వాలని కోరుతూ బంజారాహిల్స్ పోలీసులు వేసిన పిటిషన్ను నాంపల్లి కోర్టు తిరస్కరించింది. ఏబీసీఎల్ సంస్థ నిధులను మళ్లించారన్న ఆరోపణలపై అరెస్టయిన రవిప్రకాశ్ను పదిరోజులు తమ కస్టడీకి ఇవ్వాలని పోలీసులు కోరారు. అయితే కస్టడీలో విచారణ జరపాల్సిన అవసరం లేదని గతంలోనే అన్ని విషయాలు వివరించారని రవిప్రకాశ్ తరఫు న్యాయవాది వాదించారు. ఇరువర్గాల వాదనలు విన్న న్యాయస్థానం పిటిషన్ను తిరస్కరించింది. రవిప్రకాశ్కు బెయిల్ మంజూరు చేయాలని ఆయన తరఫు న్యాయవాది పిటిషన్ దాఖలు చేశారు.
రవిప్రకాశ్ కస్టడీ పిటిషన్ తిరస్కరించిన నాంపల్లి కోర్టు