Mynampally Joins Congress Today : నేడు కాంగ్రెస్​లోకి ఎమ్మెల్యే మైనంపల్లి, వేముల వీరేశం

Mynampally Joins Congress Today : రాష్ట్రంలో ఎలాగైనా జెండా ఎగురవేయాలని కాంగ్రెస్​ పార్టీ అధిష్ఠానం భావిస్తోంది. అందులో భాగంగా బీఆర్​ఎస్​, బీజేపీ చెందిన నాయకులను పార్టీలోకి ఆహ్వానిస్తున్నారు. ఈ క్రమంలో మైనంపల్లి హనుమంతరావు, మాజీ ఎమ్మెల్యీ వీరేశం, ఆరేపల్లి మోహన్​ వంటి వారు కాంగ్రెస్​ చేరుతున్నట్లు సమాచారం.

Mynampally Joins Congress Today :వచ్చే శాసనసభ ఎన్నికల్లో(Telangana Assembly Election 2023) రాష్ట్రంలో ఎలాగైనా విజయం సాధించి.. తమ బలాన్ని పెంచుకోవాలని కాంగ్రెస్​ పార్టీ(Congress) భావిస్తోంది. అందులో భాగంగా వివిధ పార్టీల నుంచి వచ్చిన చిన్నాపెద్దా నేతలను పార్టీలోకి ఆహ్వానిస్తున్నారు. ఈ క్రమంలో కాంగ్రెస్​లోకి చేరికలు జోరుగానే కొనసాగుతున్నాయి. ఇవాళ బీఆర్​ఎస్​, బీజేపీకిచెందిన పలువురు నేతలతో పాటు వారి అనుచరగణం హస్తం పార్టీలో చేరనున్నారు.

Vemula Veersham Joins Congress Today : ఇప్పటికే కొంత మంది నాయకులు దిల్లీ(Delhi) చేరుకోగా.. ఉదయం మరికొందరు హస్తిన చేరుకోనున్నారు. ఏఐసీసీ అధ్యక్షుడు మల్లికార్జున ఖర్గే సమక్షంలో మాజీ ఎమ్మెల్యే మేముల వీరేశం, ఆరేపల్లి మోహన్​, మల్కాజ్​గిరి ఎమ్మెల్యే మైనంపల్లి హనుమంతరావు, ఆయన కుమారుడు రోహిత్​తో పాటు భువనగిరికి చెందిన బీఆర్​ఎస్​ నేత కాంగ్రెస్​లో చేరుతున్నట్లు సమాచారం. వారు కాకుండా మరో 10 నుంచి 12 మంది రెండు పార్టీల నుంచి వారం రోజుల్లో కాంగ్రెస్​ పార్టీలో చేరే అవకాశం ఉన్నట్లు పార్టీ వర్గాలు తెలిపాయి. దీంతో పార్టీలో చేరే నేతల సంఖ్య కూడా పెరుగుతోంది.

Telangana Assembly Election Congress Plan 2023 :దిల్లీలోనే మకాం వేసిన నేతలు : ఇప్పటికే టికెట్లు ఆశిస్తున్న పలువురు అభ్యర్థులు దిల్లీలోనే మకాం వేసి.. ఏఐసీసీ ముఖ్య నేతలు, రాష్ట్ర నేతల వద్ద తమ ఆఖరి ప్రయత్నాలను చేస్తున్నారు. బీసీ కోటాలో సీట్లు కేటాయించాలని మునుగోడు నుంచి పున్న కైలాశ్​ నేత, పెద్దపల్లి నుంచి గంట రాములు యాదవ్​, గద్వాల నుంచి డాక్టర్​ కురవ విజయ్ వినతి పత్రాలు ఇచ్చారు.

Telangana Assembly Election 2023 : మరోవైపు కాంగ్రెస్​ పార్టీ గెలుపు గుర్రాలను ఎంపిక చేసే పనిలో తీవ్రంగా నిమగ్నమైంది. దీంతో పార్టీలో, బయట తీవ్ర ఉత్కంఠ వాతావరణం నెలకొంది. ఈ వ్యవహారాన్ని కాంగ్రెస్​ స్క్రీనింగ్​ కమిటీ దాదాపుగా ఓ కొలిక్కి తీసుకువచ్చింది. ఈ కమిటీ ఛైర్మన్​ మురళీధరన్​ అధ్యక్షతన జరిగిన సమావేశంలో.. దాదాపుగా మొత్తం 80కు పైగా స్థానాల్లో అభ్యర్థుల ఎంపికపై స్పష్టత వచ్చింది.

ఎంపిక చేసిన అభ్యర్థుల జాబితాను నేడు పార్టీ కేంద్ర ఎన్నికల కమిటీకి పంపాలని నిర్ణయించారు. ఆ తర్వాత అక్కడ అనుమతి లభిస్తే.. ఈ నెలాఖరుకు లేదా అక్టోబరు మొదటి వారంలో 80కిపైగా స్థానాలకు అభ్యర్థుల జాబితాను విడుదల చేస్తారు. మరో 20 స్థానాల విషయంలో ఎస్సీ, ఎస్టీ, బీసీల్లోనూ సామాజిక సమతౌల్యం పాటించాలని అనుకోవడంతో స్క్రీనింగ్​ కమిటీ ఏ నిర్ణయానికి రాలేకపోతుంది.