కష్టకాలంలో వారి సేవలు వెలకట్టలేనివి: ముత్తూట్​ గ్రూప్​​

కొవిడ్​ కష్టకాలంలో వైద్య సిబ్బంది అందించిన సేవలు వెలకట్టలేనివని ముత్తూట్ గ్రూప్ స్వతంత్ర డైరెక్టర్ థామస్ జాన్ అన్నారు. హైదరాబాద్​లోని కోఠిలో జరిగిన ఓ కార్యక్రమంలో పాల్గొన్న ఆయన విపత్కర పరిస్థితుల్లో ప్రాణాలకు తెగించి సేవచేసిన 38 మంది కరోనా వారియర్స్​ను ఘనంగా సత్కరించారు.

కరోనా మహమ్మారి నుంచి దేశానికి విముక్తి కల్పించేందుకు వైద్యసిబ్బంది తమ ప్రాణాలను పణంగా పెట్టి సేవలందించారని ముత్తూట్ గ్రూప్ స్వతంత్ర డైరెక్టర్ థామస్ జాన్ అన్నారు. కొవిడ్​ కష్టకాలంలో వారు చేసిన సేవలు వెలకట్టలేనివని తెలిపారు. ఇండియన్ మెడికల్ అసోసియేషన్ హైదరాబాద్ శాఖ సహకారంతో... ముత్తూట్ ఫైనాన్స్ ఆధ్వర్యంలో కోఠి లోని ఐఎంఏ హాలో నిర్వహించిన కార్యక్రమంలో ఆయన ముఖ్య అతిథిగా పాల్గొన్నారు.

కొవిడ్ -19 కార్యకలాపాలతో సంబంధం కలిగి ఉన్న ఆరోగ్య సంరక్షణ నిపుణులను గౌరవించేందుకు సెల్యూట్ టు కొవిడ్ -19 వారియర్స్ ప్రాజెక్టును ముత్తూట్ ఫైనాన్స్​ ప్రారంభించిందని థామస్​ జాన్​ తెలిపారు. ఈ సందర్భంగా విపత్కర పరిస్థితుల్లో ప్రాణాలకు తెగించి సేవచేసిన 38 మందిని ఆయన ముత్తూట్ గ్రూప్ సెల్యూట్ కొవిడ్ -19 వారియర్స్ అవార్డు, సర్టిఫికెట్, నగదు పురస్కారాలతో ఘనంగా సత్కరించారు.

ఇదీ చదవండి:'భాగ్యనగరం.. విభిన్న సంస్కృతి, సంప్రదాయాలకు నిలయం'