'కాలుష్య రహిత సమాజ నిర్మాణానికి అందరూ కృషి చేయాలి'

హైదరాబాద్​ ముషీరాబాద్​ నియోజకవర్గంలోని గాంధీనగర్​లో ఎమ్మెల్యే ముఠాగోపాల్​ పారిశుద్ధ్య కార్యక్రమం నిర్వహించారు. ప్రతి ఆదివారం 10 గంటల 10 నిమిషాల కార్యక్రమంలో భాగంగా... హిమసాయి హైట్స్ అపార్ట్​మెంట్​లో పూల కుండీల కింద ఉన్న ప్లేట్లలో నీళ్లను ఎమ్మెల్యే, కార్పొరేటర్ ముఠా పద్మ శుభ్రం చేశారు.

కాలుష్యరహిత సమాజ నిర్మాణానికి ప్రజలందరూ బాధ్యతగా వ్యవహరించాలని ఎమ్మెల్యే ముఠా గోపాల్ సూచించారు. ప్రతి ఆదివారం 10 గంటల 10 నిమిషాల కార్యక్రమం 10వ వారంలో భాగంగా హైదరాబాద్​ గాంధీనగర్​లోని హిమసాయి హైట్స్ అపార్ట్​మెంట్​లో పూల కుండీల కింద ఉన్న ప్లేట్లలో నీళ్లను ఎమ్మెల్యే, కార్పొరేటర్ ముఠా పద్మ శుభ్రం చేశారు. ప్రతి ఒక్కరూ తమ పరిసర ప్రాంతాలు పరిశుభ్రంగా ఉంచుకోవాలని ఎమ్మెల్యే కోరారు. లేనిపక్షంలో దోమలు వ్యాప్తి చెంది సీజనల్​ వ్యాధులు సోకే ప్రమాదం ఉంటుందని వివరించారు.

సమాజంలో నెలకొన్న పరిస్థితుల నేపథ్యంలో ప్రజలందరూ మాస్కులు ధరించాలని, శానిటైజర్లు వాడాలని, భౌతిక దూరాన్ని పాటించాలని తెలిపారు. అత్యవసర పరిస్థితి ఉంటే తప్ప బయటకు రావొద్దని కోరారు.

ఇదీ చదవండి :'కూలుతున్నది సచివాలయమే కాదు తెలంగాణ బతుకులు'