ఈ 63 ఏళ్ల బామ్మ.. అందాల పోటీ విజేత

ఆమె వయసు 63 ఏళ్లు. వైద్య వృత్తిలో రాణిస్తున్నా ఫ్యాషన్​ రంగంపై ఉన్న మక్కువ ఆమె వయసుకు అడ్డుచెప్పలేదు. ఈ వయసులో ఫ్యాషన్ పోటీలేంటని నవ్వుకున్నా... ఆత్మవిశ్వాసం కోల్పోకుండా పోటీల్లో పాల్గొని మిసెస్ ఇండియా తెలంగాణ అవార్డును గెలుపొందింది డాక్టర్ శోభాదేవి.

వైద్య వృత్తిలో రాణిస్తూనే... ఓ 63 ఏళ్ల వృద్ధురాలు ఫ్యాషన్ రంగంలో సత్తాచాటుతోంది. హైదరాబాద్​కు చెందిన డయాబెటీస్, ఒబేసిటీ వైద్య నిపుణురాలు డాక్టర్ శోభాదేవి... మిసెస్ ఇండియా తెలంగాణ అవార్డును అందుకున్నారు. లండన్​లో 20 ఏళ్ల పాటు వైద్యురాలిగా పనిచేసిన ఆమె స్వదేశంలో సేవలందించేందుకు హైదరాబాద్​ వచ్చారు. ఫ్యాషన్ రంగంపై మక్కువ కారణంగా ఇప్పటి వరకు పలు పోటీలలో పాల్గొన్నట్లు తెలిపారు.

ఈ ఏడాది మిస్సెస్ ఇండియా తెలంగాణ అవార్డు గెలుచుకోవడం ఆనందంగా ఉందని శోభాదేవి తెలిపారు. ఈ వయసులో ఫ్యాషన్ రంగంలో పోటీలకు వెళ్తే మొదట్లో అందరూ నవ్వుకున్నారని... ఆత్మవిశ్వాసం కోల్పోకుండా పోటీల్లో గెలుపొందడం ఆనందంగా ఉందన్నారు.

ఇదీ చదవండిః మెస్మరైజ్ చేసిన మిస్ ఫెమినా సుందరి