BJP Mrityunjaya Homam : ప్రధాన మంత్రి మోదీ ఆయురారోగ్యాలతో వర్ధిల్లాలని ఆకాంక్షిస్తూ.. భాజపా రాష్ట్ర శాఖ మృత్యుంజయ హోమం నిర్వహించాలని తలపెట్టింది. పంజాబ్‌లో ప్రధాని మోదీ కాన్వాయ్‌ను అడ్డుకోవడంతో అందోళనలో భాగంగానే ఈ కార్యక్రమాన్ని చేపడుతున్నట్లు ఆ పార్టీ రాష్ట్ర అధ్యక్షుడు బండి సంజయ్ తెలిపారు.
సోమవారం ఉదయం 11నుంచి ఒంటి గంట వరకు హోమం నిర్వహించాలని బండి సంజయ్ పార్టీశ్రేణులను ఆదేశించారు. ఈ మేరకు రాష్ట్ర, జిల్లా, మండలస్థాయి నేతలతో నిర్వహించిన టెలికాన్ఫరెన్స్‌లో పిలుపునిచ్చారు. హైదరాబాద్‌ అల్కాపురిలోని శృంగేరి మఠం ఆలయంలో నిర్వహించే మృత్యుంజయ హోమంలో తాను పాల్గొంటున్నట్లు సంజయ్ తెలిపారు.