MP Dharmapuri Arvind Fires on BRS: బీఆర్ఎస్ పార్టీ ఎన్నికల్లో పెట్టే ఖర్చు వంద కోట్లకు తీసుకు వెళ్లిందని నిజామాబాద్ ఎంపీ ధర్మపురి అరవింద్ ధ్వజమెత్తారు. కవిత తలుచుకుంటే మైక్‌ టైసన్‌కు బాక్సింగ్, విరాట్ కోహ్లీకి క్రికెట్‌ నేర్పుతుందని ఎద్దేవా చేశారు. తనను వెంటాడి వేటాడి నా మీద నిలబడతానన్న కవిత.. ఇప్పుడు తండ్రి ఎక్కడ చెప్తే అదే అంటోందని దుయ్యబట్టారు.
ప్రజా సంగ్రామ యాత్ర ముగింపు సందర్భంగా కరీంనగర్‌లో ఏర్పాటు చేసిన బహిరంగసభలో అరవింద్ మాట్లాడారు. రాష్ట్రంలో అవినీతిరహిత పాలన రావాలంటే బీజేపీ రావాలన్నారు. బీఆర్ఎస్‌గా టీఆర్ఎస్‌ను మార్చింది కాంగ్రెస్‌తో కలిసేందుకేనని ఆయన ఆరోపించారు. తెలంగాణ మొత్తాన్ని కేసీఆర్‌కు అప్పగించాలన్న డీల్‌ను కాంగ్రెస్‌తో కుదుర్చుకున్నారని ఆరోపించారు.