ఇంత పెద్ద కింగ్​ కోబ్రానా.. ఎక్కడ అసలు?

14 Feets King Cobra in ap: రోజూలాగే ఇవాళ కూడా పామాయిల్​ తోటలో పనికి వెళ్లారు. అక్కడకు వెళ్లిన కూలీలు ఒక్కసారిగా షాక్​కు గురయ్యారు. 14 అడుగుల కింగ్​కోబ్రాను చూసి పరుగులు తీశారు. అనంతరం స్నేక్‌ క్యాచర్స్​కు సమాచారమివ్వగా.. పామును పట్టుకుని అటవీ ప్రాంతంలో విడిచిపెట్టారు.

14 Feets King Cobra in ap: ప్రపంచంలోనే విషపూరిత పాముల్లో అతిపెద్దదైన కింగ్ కోబ్రా అనకాపల్లి జిల్లా మాడుగుల మండలంలో కలకలం రేపింది. పామాయిల్ తోటలో కూలీలు గెలలు కోస్తుండగా కనిపించింది. భారీ పామును చూసిన కూలీలు భయభ్రాంతులతో పరుగులు తీశారు. స్నేక్​ క్యాచర్స్​కు సమాచారం అందించారు. సభ్యులు వెంకటేష్, మూర్తి సంఘటనాస్థలానికి చేరుకుని రెండు గంటలపాటు శ్రమించి.. కింగ్ కోబ్రాను పట్టుకున్నారు. పాము పొడవు 14 అడుగుల వరకు ఉండొచ్చని తెలిపారు.

ఈ కింగ్ కోబ్రా ప్రపంచంలోనే అత్యంత విషపూరితమైన పాముల్లో ఒకటి. పర్యావరణ సమతుల్యత కోసం వీటిని రక్షించుకోవాలని వన్యప్రాణి సంరక్షణ సభ్యులు సూచించారు. బంధించిన కింగ్ కోబ్రాను వంట్లమామిడి సమీపంలోని అటవీ ప్రాంతంలో విడిచిపెట్టారు. దీంతో కూలీలు ఊపిరి పీల్చుకున్నారు.

ఇవీ చదవండి: