రోబోటిక్స్​ కంపెనీలకు మరిన్ని ప్రోత్సాహకాలు: జయేశ్​ రంజన్

భవిష్యత్తులో రోబోటిక్స్ రంగంలో మంచి ఉపాధి అవకాశాలున్నాయని రాష్ట్ర ఐటీ పరిశ్రమల శాఖ ప్రధాన కార్యదర్శి జయేశ్​ రంజన్​ తెలిపారు. హైదరాబాద్​లో ఆల్​ ఇండియా రోబోటిక్స్​ అసోసియేషన్​ను ఆయన ప్రారంభించారు.

రోబోటిక్స్ సేవలందించే కంపెనీలకు మరిన్నీ ప్రోత్సాహకాలు అందిస్తామని రాష్ట్ర ఐటీ పరిశ్రమల శాఖ ప్రధాన కార్యదర్శి జయేశ్​ రంజన్​ వెల్లడించారు. ఈ రంగంలో భవిష్యత్తులో మంచి ఉపాధి అవకాశాలున్నాయని ఆయన తెలిపారు. యువత కొత్త సాంకేతిక నైపుణ్యాలను అందిపుచ్చుకోవాలన్నారు. హైదరాబాద్​లో ఆల్​ ఇండియా రోబోటిక్స్ అసోసియేషన్​ను​(ఐరా)​ ఆయన ప్రారంభించారు.

హైదరాబాద్​ రోబోటిక్స్​ కంపెనీలు, అంకురాలు దేశవ్యాప్తంగా విస్తరించడం శుభపరిణామమని ఆయన అన్నారు. ఈ రంగం ఎమర్జింగ్​ టెక్నాలజీ అయినందు వల్ల తాము పూర్తి సహకారం అందిస్తామని జయేశ్​ రంజన్​ స్పష్టం చేశారు. నగరంలో రోబో సిటీని ఏర్పాటు చేస్తున్నట్లు ఐరా అధ్యక్షురాలు హర్షిత తెలిపారు. యువతకు నైపుణ్యాభివృద్ధితో పాటు పెట్టుబడులకు, అంకురాలకు హైదరాబాద్​ను హబ్​గా తయారు చేయనున్నట్లు ఆమె వెల్లడించారు.

ఇదీ చూడండి:ఎల్‌ఆర్‌ఎస్‌ గుదిబండలా మారింది: కోమటిరెడ్డి వెంకటరెడ్డి