'పేదలు అలమటిస్తున్నారు... రేషన్​ షాపులు తెరవండి'

పేదలు ఆకలితో అలమటిస్తున్నారని భాజపా ఎమ్మెల్యే రాజాసింగ్​ ఆవేదన వ్యక్తం చేశారు. తక్షణమే రేషన్​ దుకాణాలు తెరిపించాలని ఆయన సీఎం కేసీఆర్​కు విజ్ఞప్తి చేశారు.​

కరోనాతో ప్రజలు తీవ్ర ఇబ్బందులు పడుతున్నారని భాజపా ఎమ్మెల్యే రాజాసింగ్​ తెలిపారు. ప్రపంచ వ్యాప్తంగా ఇదే పరిస్థితి నెలకొందని పేర్కొన్నారు. తన నియోజకవర్గం గోషామాల్​లో నిరుపేదల ఆకలి తీర్చేందుకు ప్రతిరోజూ 1000 మందికి ఉచితంగా భోజనం పెడుతున్నట్లు చెప్పారు.

ప్రతివీధి నుంచి వేలమంది ప్రజలు భోజనం కోసం వస్తున్నారని తెలిపారు. తక్షణమే సీఎం జోక్యం చేసుకొని రేషన్ షాప్​లు తెరిపించి... బియ్యం అందేలా చూడాలని కోరారు.