తెరాసపై పోరాడడానికి నాయకత్వం వహించేందుకు తాను సిద్ధమని మునుగోడు ఎమ్మెల్యే రాజగోపాల్ రెడ్డి ప్రకటించారు. కేసీఆర్‌ను గద్దె దింపే పనిలో తానే ముందుంటానని స్పష్టం చేశారు. కాంగ్రెస్‌ పార్టీ నాయకత్వ లోపాల కారణంగానే.. కేసీఆర్ రెండుసార్లు గెలుపొందారని ఆరోపించిన ఆయన తమ పార్టీలో మంచి వారికి టికెట్లు ఇచ్చి ఉంటే పార్టీ గెలుపొందేదన్నారు.
కాంగ్రెస్‌ అధిష్ఠానం తీసుకునే నిర్ణయం ఆధారంగా కాంగ్రెస్‌లో ఉండి పోరాడాలా లేక భాజపానా లేక మరో కొత్త పార్టీనా అన్నది కాలమే నిర్ణయిస్తుందని తన అభిప్రాయాన్ని వెల్లడించారు. తాను డెబ్బై ఏళ్ల ముసలోన్ని కాదని ఇంకా 20 సంవత్సరాలపాటు రాజకీయాల్లో ఉంటానని పేర్కొన్నారు.