'నీటిని సంరక్షిద్దాం.. భవిష్యత్తు తరాలకు కానుకగా ఇద్దాం'

ముషీరాబాద్ నియోజకవర్గంలో మంచినీటి సమస్య తలెత్తకుండా పటిష్టమైన చర్యలు తీసుకోవాలని జలమండలి అధికారులకు ఎమ్మెల్యే ముఠా గోపాల్ సూచించారు. ప్రజలు మంచి నీటిని పొదుపుగా వాడి భవిష్యత్​ తరాల కోసం సంరక్షించాలని ఆయన కోరారు.

హైదరాబాద్​ ముషీరాబాద్ డివిజన్​లోని చేపల మార్కెట్​లో బోర్​వెల్ పనులను స్థానిక శాసనసభ్యులు ముఠా గోపాల్ ప్రారంభించారు. వాతావరణంలో చోటుచేసుకుంటున్న మార్పులకు అనుగుణంగా ప్రజలు సీజనల్​ వ్యాధుల పట్ల అప్రమత్తంగా ఉండాలని సూచించారు. ప్రజలందరూ వ్యక్తిగత శుభ్రతతోపాటు పరిసరాలను కూడా పరిశుభ్రంగా ఉంచుకోవాలని సూచించారు. మంచి నీటిని పొదుపుగా వాడి భవిష్యత్తు తరాల కోసం నీటిని సంరక్షించాలని ఎమ్మెల్యే ముఠా గోపాల్ కోరారు.