ఆశ వర్కర్లు, పారిశుద్ధ్య కార్మికులకు నిత్యావసరాల పంపిణీ

లాక్​డౌన్ నేపథ్యంలో ప్రజలకు అంకితభావంతో సేవలందిస్తున్న ఆశా వర్కర్లు, పారిశుద్ధ్య సిబ్బంది సేవలను గుర్తుంచుకోవాలని ఎమ్మెల్యే ముఠాగోపాల్​ అన్నారు. ముషీరాబాద్ నియోజకవర్గంలోని పారిశుద్ధ్య కార్మికులకు, ఆశ వర్కర్లకు తెరాస యువజన నేత ఎం జైసింహతో కలిసి నిత్యవసర సరకులు పంపిణీ చేశారు.

హైదరాబాద్​ ముషీరాబాద్ డివిజన్ వెస్ట్ ఎంసీహెచ్ కాలనీ పార్సీగుట్టలో తెరాస సీనియర్ నాయకుడు సోమసుందరం ఆధ్వర్యంలో జీహెచ్​ఎంసీ పారిశుద్ధ్య కార్మికులకు, ఆశా వర్కర్లకు నిత్యావసర సరకులు పంపిణీ చేశారు. కార్యక్రంలో శాసనసభ్యుడు ముఠా గోపాల్, తెరాస యువజన నేత ఎం జైసింహ పాల్గొని కార్మికులకు సరకులు అందించారు.

లాక్​డౌన్ ముగిసేవరకు ఇదే విధంగా కార్మికులకు నిత్యావసరాల పంపిణీ కొనసాగాలని ఎమ్మెల్యే ముఠాగోపాల్​ ఆశాభావం వ్యక్తం చేశారు. పేద బడుగు బలహీన వర్గాల ప్రజలను ఆదుకోవడానికి ప్రభుత్వం ప్రణాళికతో ముందుకు సాగుతోందని ఎమ్మెల్యే అన్నారు.

ఇదీ చూడండి :'మాస్కులు, శానిటైజర్లు ఇవ్వట్లేదు...జీతాలూ ఆపేశారు'