'వానాకాలంలో తాగునీరు కలుషితం కాకుండా చూడాలి'

ప్రజా సమస్యల పరిష్కారానికి తన వంతు కృషి చేస్తానని ముషీరాబాద్​ ఎమ్మెల్యే ముఠా గోపాల్ తెలిపారు. నియోజకవర్గంలో మంచి నీటి ఎద్దడి రాకుండా పటిష్టమైన చర్యలు చేపడుతున్నట్లు ఎమ్మెల్యే చెప్పారు.

ప్రజలు మంచి నీటిని పొదుపుగా వాడి భావితరాలకు మార్గదర్శకంగా ఉండాలని ముషీరాబాద్​ ఎమ్మెల్యే ముఠా గోపాల్ సూచించారు. నియోజకవర్గంలో మంచి నీటి సరఫరా కొరత సమస్యలపై జలమండలి అధికారులు ఎప్పటికప్పుడు దృష్టి సారించాలన్నారు. అడిక్​మెట్​ డివిజన్ వడ్డెర బస్తీలో శాశ్వతంగా మంచినీటి కొరత తీర్చే పనులను ఆయన ప్రారంభించారు.

వర్షాకాలంలో తాగునీరు కలుషితం కాకుండా అధికారులు, సిబ్బంది మంచి నీటి పైప్​లైన్లను పర్యవేక్షించాలని సూచించారు. కార్యక్రమంలో స్థానిక కార్పొరేటర్ హేమలత జయరాం రెడ్డితోపాటు పలువురు నేతలు కలిశారు.