19న మంత్రివర్గ విస్తరణ

తెరాస నేతలు ఎప్పుడెప్పుడా అని ఎదురు చూస్తున్న మంత్రివర్గ విస్తరణకు ఢంకా మోగింది. ఈనెల 19న మంగళవారం ఉదయం 11.30 గంటలకు రాజ్​భవన్​లో ప్రమాణోత్సవం జరగనుంది.

రాష్ట్ర మంత్రివర్గ విస్తరణకు ముహూర్తం ఖరారైంది. ఈనెల 19న విస్తరణ ప్రక్రియ చేపట్టనున్నారు. మంగళవారం రోజున మాఘశుద్ధ పౌర్ణమి సందర్భంగా ఉదయం 11.30 గంటలకు రాజ్​భవన్​లో ప్రమాణోత్సవం జరగనుంది. గవర్నర్​ నరసింహన్​తో భేటీ అయిన అనంతరం ముఖ్యమంత్రి కార్యాలయం నుంచి ప్రకటన వెలువడింది. ప్రమాణ స్వీకారం కోసం ఏర్పాట్లు చేయాలని అధికారులకు సీఎం కేసీఆర్​ ఆదేశాలు జారీ చేశారు.