పోలీసులకు పోషక పదార్థాలు పంపిణీ చేసిన మంత్రి

సికింద్రాబాద్​లోని చెక్ పోస్ట్ వద్ద పోలీసులకు పోషక పదార్థాలు పంపిణీ చేశారు. మంత్రి తలసాని ఈ కార్యక్రమాన్ని ప్రారంభించారు.

సాల్వేషన్ ఆర్మీ చర్చ్ ఆధ్వర్యంలో విధి నిర్వహణలో ఉన్న నార్త్ జోన్ పోలీసులకు పోషక పదార్థాలను అందజేశారు. మంత్రి తలసాని శ్రీనివాస్​ యాదవ్ చేతుల మీదుగా కార్యక్రమాన్ని ప్రారంభించారు. లాక్​డౌన్​ ప్రారంభమైనప్పటి నుంచి నిత్యం రోడ్లపై సేవలందిస్తున్న పోలీసులకు పౌష్టికాహారం అందించినందుకు కృతజ్ఞతలు తెలిపారు.

పేదలు, వలస కూలీలు ఆకలితో అలమటించొద్దనే ఉద్దేశంతో చర్చ్​ చేపడుతోన్న సేవా కార్యక్రమాలను మంత్రి ప్రసంసించారు. ప్రస్తుత పరిస్థితిలో పేదలకు అండగా ఉండేందుకు సంస్థ ముందుకు రావడాన్ని అభినందించారు. ప్రతి ఒక్కరు స్వీయ నియంత్రణ పాటించాలని కోరారు.

ఇవీ చూడండి:రాష్ట్రంలో 404కి చేరిన కరోనా పాజిటివ్ కేసుల సంఖ్య