కళలు, కళాకారులను ప్రోత్సహిస్తున్నాం: శ్రీనివాస్​ గౌడ్​

రాష్ట్రం ఏర్పాటైన నాటి నుంచి కళలు, కళాకారులను ప్రభుత్వం ప్రత్యేక దృష్టితో ప్రోత్సహిస్తోందని పర్యాటక సాంస్కృతిక, ఎక్సైజ్​ శాఖ మంత్రి శ్రీనివాస్​ గౌడ్​ అన్నారు. హైదరాబాద్​ బంజారాహిల్స్‌లో డా.సి.నారాయణరెడ్డి జయంతి వేడుకల్లో కేటీఆర్​తో కలిసి పాల్గొన్నారు.

హైదరాబాద్​ బంజారాహిల్స్‌లో డా.సి.నారాయణరెడ్డి జయంతి వేడుకలు నిర్వహించారు. ఈ కార్యక్రమానికి ముఖ్యఅతిథులుగా మంత్రులు కేటీఆర్​, శ్రీనివాస్​ గౌడ్​ హాజరయ్యారు. డా.సి.నారాయణరెడ్డి సారస్వత సదనం ఆడిటోరియం నిర్మాణానికి శంకుస్థాపన చేశారు. రాష్ట్రం ఏర్పాటైన నాటి నుంచి కళలు, కళాకారులను ప్రభుత్వం ప్రత్యేక దృష్టితో ప్రోత్సహిస్తోందని పర్యాటక సాంస్కృతిక, ఎక్సైజ్​ శాఖ మంత్రి శ్రీనివాస్​ గౌడ్​ అన్నారు.

డా. సినారె మృత్యర్ధం బంజారాహిల్స్ లో ఇండోర్ ఆడిటోరియం నిర్మాణానికి ప్రభుత్వం సంకల్పించి.. 10 కోట్ల రూపాయలు నిధులు విడుదల చేసిందని చెప్పారు. స్వతహాగా కవి, సాహితీవేత్త అయిన ముఖ్యమంత్రి కేసీఆర్ సినారె ని స్మరించుకుంటూ.. ఈ భవన నిర్మాణానికి సంకల్పించారని తెలిపారు. పాఠ్య పుస్తకాల్లోనూ సినారె చరిత్ర ఉండేలా చొరవ తీసుకుంటామన్నారు.

ఇవీ చూడండి: కరోనాతో ఆర్టీసీకి తగ్గిన ఆదాయం.. పార్శిల్​పైనే ఆశలు