అంగన్​వాడీ కేంద్రాలను కలెక్టర్లు సందర్శించాల్సిందే: మంత్రి

అంగన్​వాడీ కేంద్రాలను జిల్లా కలెక్టర్లు తరచూ సందర్శించి, పర్యవేక్షించాలని మహిళా, శిశుసంక్షేమ శాఖ మంత్రి సత్యవతి రాఠోడ్ కోరారు. ఈ మేరకు కలెక్టర్లందరికీ లేఖలు రాయాలని నిర్ణయించారు. మహిళా, శిశుసంక్షేమ శాఖ పనితీరుపై సంబంధిత శాఖల అధికారులతో మంత్రి సమీక్ష నిర్వహించారు.

హైదరాబాద్​లో మహిళా, శిశుసంక్షేమశాఖపై ఆ శాఖ మంత్రి సత్యవతి రాఠోడ్ సమీక్షించారు. అంగన్​వాడీ కేంద్రాలను జిల్లా కలెక్టర్లు తరచూ సందర్శించి, పర్యవేక్షించాలని కోరారు. ఈ మేరకు కలెక్టర్లందరికీ లేఖలు రాయాలని నిర్ణయించారు.

కఠిన చర్యలు తప్పవు

అవినీతి, అక్రమాలు, నిర్లక్ష్యానికి ఏమాత్రం ఆస్కారం ఇవ్వవొద్దని స్పష్టం చేశారు. ఎవరైన అలా వ్యవహరిస్తే కఠిన చర్యలు తప్పవని హెచ్చరించారు. అంగన్​వాడీ కేంద్రాలకు వచ్చే ఆహారం విషయంలో ప్రత్యేక శ్రద్ధ చూపాలన్న మంత్రి... నాణ్యత లోపించకుండా, వేడివేడిగా వడ్డించేందుకు చర్యలు తీసుకోవాలని ఆదేశించారు.

ఇవీ చూడండి:యువకుడిపై పెట్రోల్​ పోసి నిప్పంటించిన దుండగుడు