'ఆనాడు మీరు ఎందుకు అడ్డుకోలేదు'

మీ నిర్వాకం వల్ల మేము ఇబ్బందులు పడాల్సి వస్తుందని మంత్రి నిరంజన్​ రెడ్డి అన్నారు. ఆనాడు వైఎస్​ తలపెట్టిన ప్రాజెక్టును ఎవరైనా అడ్డుకున్నారా అని కాంగ్రెస్​ నాయకులపై ఆయన మండిపడ్డారు.

పోతిరెడ్డిపాడు ఎత్తిపోతల పథకం విషయంలో ఆంధ్రప్రదేశ్ ప్రభుత్వం ఇష్టారీతిన వెళ్తుందని మంత్రి నిరంజన్​ రెడ్డి పేర్కొన్నారు. నీరు వెళ్లకముందే ఏం చేయాలో తమకు తెలుసని చెప్పారు. చట్టబద్ధంగా ఏకపక్ష ప్రాజెక్టును అడ్డుకునే నైపుణ్యం తమకుందన్నారు. ఇప్పటికే ఆ దిశగా చర్యలు చేపట్టినట్లు వివరించారు.

పోతిరెడ్డిపాడు విషయంలో సీఎం కేసీఆర్, తెరాసను నిందించే విపక్షాల నేతల విమర్శలను తాము పట్టించుకోబోమని వ్యాఖ్యానించారు. వైఎస్ హయాంలో ఈ నేతలెవరైనా నోరు విప్పారా అని నిరంజన్ రెడ్డి ప్రశ్నించారు. జలదోపిడీకి కావడి పట్టి చరిత్రహీనులుగా మిగిలిపోయారని తీవ్రస్థాయిలో మండిపడ్డారు.

ఇదీ చూడండి :వలస కూలీ దంపతులకు కరోనా పాజిటివ్!