'ఇంట్లో నీరు నిల్వలేకుండా చూడండి... శుభ్రంగా ఉండండి'

ఇంట్లో నీరు నిలవకుండా ఎప్పటికప్పుడు పరిసరాలను శుభ్రం చేయాలని మంత్రి మల్లారెడ్డి సూచించారు. కేటీఆర్ ఆదేశాల మేరకు ప్రతి ఆదివారం పది నిముషాలు మీకోసం కార్యక్రమంలో ఆయన మనవళ్లతో కలిసి పాల్గొన్నారు. పరిసరాలు శుభ్రం చేశారు.

మంత్రి కేటీఆర్ ఆదేశాల మేరకు ప్రతి ఆదివారం ఉదయం పదిగంటలకు పది నిమిషాలు మీ కోసం కార్యక్రమంలో మంత్రి మల్లారెడ్డి పాల్గొన్నారు. మనవళ్లతో కలిసి బోయిన్​పల్లిలోని స్వగృహంలో ఇంటి పరిసర ప్రాంతాలను శుభ్రపరిచారు. ప్రతి ఒక్కరూ ఇంట్లో నీరు నిలవకుండా చూసుకోవాలని సూచించారు. దోమలు ప్రబలకుండా ఉండేందుకు పరిసరాలను ఎప్పటికప్పుడు శుభ్రం చేసుకోవాలన్నారు. ప్రస్తుతం కరోనా విజృంభిస్తున్న నేపథ్యంలో ప్రతి ఒక్కరూ ఇంటి పరిసరాలను శుభ్రంగా ఉంచుకోవాలని, మాస్కులు ధరించి దూరం పాటించాలని సూచించారు.

ఇవీ చూడండి:కరోనా చికిత్సపై భయం... నమ్మకం పెంచే పనిలో ప్రభుత్వం